لاہورآنےوالے غیرملکی کرکٹرزکی شارٹ لسٹ تیار

لاہور(نیوزایجنسیاں) پاکستان سپر لیگ (پی ایس ایل) 2017 کی تینوں سہرفہرست ٹیموں نے فائنل کےلئے15 غیرملکی کھلاڑیوں کے ناموں کو حتمی شکل دے دی ہے۔کوئٹہ گلیڈی ایٹرز، پشاورزلمی اور کراچی کنگز نے مستقل کھلاڑیوں کی عدم دستیابی کے بعد 15 غیرملکی کھلاڑیوں کے ناموں کو حتمی شکل دی ہے۔ان غیرملکی کھلاڑیوں میں زمبابوے کے ایلٹن چگمبورا، بنگلہ دیش کے انعام الحق اور پاکستانی نژاد انگلش کھلاڑی اشعر زیدی بھی شامل ہیں۔پی ایس ایل فائنل کے لیے لاہور آنے والے کھلاڑیوں میں پشاورزلمی کے پانچوں غیرملکی کھلاڑی بھی شامل ہیں۔پشاورزلمی کے مالک جاوید آفریدی نے تصدیق کرتے ہوئے کہا ہے کہ کپتان ڈیرن سیمی، انگش کھلاڑی ڈیوڈ ملان، سمت پٹیل، کرس جارڈن اور مارلن سیمیولز لاہور آئیں گے جس کے لیے پاکستانی ویزے بھی جاری کردیے گئے ہیں۔فائنل کے لیے حتمی فہرست میں شامل کیے گئے دیگر کھلاڑیوں میں پیٹر ڈیوڈ، ایمرت ریاد ریان، گریم کریمر، جیڈ ونسٹن ڈیرن بیچ، ریان نیل، وین ویک مورن نیکو، رچرڈ چیڈ، جوشوا جیمز بھی شامل ہیں۔اس فہرست میں پاکستانی نژاد انگلش کھلاڑی اظہراللہ کے علاوہ سین مائیکل، ولیمزکیسرک کینول کا نام بھی شامل کیا گیا ہے ان تمام کھلاڑیوں کو پاکستان کا ویزا جاری کردیا گیا ہے۔