لاہور (خصوصی رپورٹ) سابق صدر و پیپلزپارٹی پارلیمنٹرینز کے سربراہ آصف علی زرداری نے رہنماو¿ں کو پارٹی چھوڑ کر جانے والوں کو منانے سے روک دیا ہے۔ ذرائع کے مطابق آصف علی زرداری نے رہنماو¿ں کو ہدایت جاری کرتے ہوئے کہا ہے کہ پارٹی نے جن لوگوں کو زمین سے اُٹھا کر آسمان پر بٹھایا وہ جاتے ہیں تو جانے دیں، ایسے لوگوں کو منانے کی کوئی ضرورت نہیں۔ انہوں نے نام لیے بغیر فردوس عاشق اعوان کی طرف اشارہ کرتے ہوئے کہا کہ پارٹی کے ایک رہنما کو ناراض کرکے ایک خاتون کو وزیر بنایا۔ سابق صدر آصف علی زرداری رمضان المبارک بیرون ملک گزاریں گے۔ نجی ٹی وی نے ذرائع کے حوالے سے بتایا کہ سابق صدر آصف علی زرداری آئندہ 48 گھنٹوں میں بیرون ملک روانہ ہوں گے۔ ابتدائی طور پر سابق صدر دُبئی اور بعدازاں یورپ اور امریکہ جائیں گے۔ آصف علی زرداری رمضان المبارک بیرون ملک ہی گزاریں گے جبکہ بلاول بھٹو زرداری پیپلزپارٹی کے زیراہتمام افطار پارٹیوں کے پروگرامز میں شریک ہوں گے۔ یاد رہے کہ فردوس عاشق حسین اعوان کے علاوہ متعدد پی پی رہنماو¿ں کے پی ٹی آئی سے رابطے ہیں اور وہ کسی بھی وقت اپنی جماعت چھوڑ سکتے ہیں، حال ہی میں نور عالم سابق ایم این اے اور زرداری کے قریبی ساتھی نے بھی پارٹی چھوڑ دی جبکہ سابق وفاقی وزیر نذر گوندل بھی جانے کے لیے بے قرار ہیں جبکہ جنوبی پنجاب میں چند روز بعد اہم تبدیلیاں متوقع ہیں۔
اُڑان
