بالی وڈ پروڈیوسروڈائریکٹرکرن جوہر نے بالی وڈ کنگ شاہ رخ خان، اداکارہ کرینہ کپور خان اور ملائکہ اروڑا سمیت کئی قریب ترین بالی وڈ شخصیات کو ان فالو کردیا۔
بھارتی میڈیا رپورٹس کے مطابق کرن جوہر نے اپنے جن قریبی دوستوں اور بالی ووڈ شخصیات کو ان فالو کیا ہے ان میں شاہ رخ خان، کرینہ کپور، عالیہ بھٹ، کارتک آریان، اننیا پانڈے، وروندھون، سدھارتھ ملہوترا اور معروف ڈیزائنر منیش ملہوتھرا شامل ہیں۔
تاہم کرن جوہر اب بھی اداکارہ پریانکا چوپڑا کو فالو کر رہے ہیں جبکہ ان کی فالوونگ لسٹ صرف 74 افراد تک محدود ہو چکی ہے۔
کرن جوہر نے سوشل میڈیا پلیٹ فارم پر انسٹاگرام اسٹوری شیئر کرتے ہوئے واضح کیا کہ ’ میں انسٹاگرام پر اپنا وقت اور توانائی کم کرنے کے لیے سب کو اَن فالو کر رہا ہوں، خدا کے لیے اسے قومی خبر نہ بنائیں کوئی اور کلک بیٹ ڈھونڈ لیں، یہ کوئی اہم بات نہیں‘۔
دوسری جانب بھارتی میڈیا کی ایک رپورٹ میں دعویٰ کیا گیا کہ کرن جوہر کا یہ اقدام محض ایک سوشل میڈیا اسٹریٹیجی ہے اور اس کے پیچھے کسی قسم کی ذاتی ناراضی یا اختلاف موجود نہیں۔
