سائنس دانوں نے بولیویا کے یونگاس کے بادلوں سے ڈھکے جنگلات میں بلی کی ایک نئی جنگلی نسل دریافت کی ہے، جسے Leopardus tilcayo کا سائنسی نام دیا گیا ہے۔ یہ 100 سال سے زائد عرصے میں پہلی نئی زندہ بلی کی نسل ہے جسے سائنس نے باضابطہ طور پر بیان کیا ہے۔
نئی نسل کو مقامی لوگ ’’ٹِلکایو‘‘ کے نام سے پکارتے ہیں، اسی مقامی نام کو سائنسی نام میں شامل کیا گیا ہے۔ یہ چھوٹی جنگلی بلی ٹائیگر کیٹ کے گروپ سے تعلق رکھتی ہے اور اس کا جسم ہلکے بھورے رنگ کا ہے جس پر چیتے جیسے غیر معمولی دھبے اور گول نشان موجود ہیں۔
یہ بلی تقریباً 46 سینٹی میٹر لمبی اور 1.4 کلوگرام وزنی ہے، یعنی عام گھریلو بلی سے بھی چھوٹی ہے۔ اس وقت نسل کا صرف ایک معلوم فرد حفاظتی نگہداشت میں موجود ہے، جبکہ جنگل میں اس کی مجموعی تعداد اور پھیلاؤ کے بارے میں سائنس دانوں کے پاس ابھی محدود معلومات ہیں
