ایبٹ آباد (این این آئی)پاکستان تحریک انصاف کے سربراہ عمران خان نے کہا ہے کہ جمائما کو اکاﺅنٹس کی تفصیلات مل گئی ہیں اور تفصیلات عدالت میں پیش کردیں گے ¾نہال ہاشمی کی جگہ جیل میں ہے ¾تحقیقات کرلیں حلا ل کے پیسے سے جائیداد بنائی اور حلال کے پیسوں پر بنی گالہ کی پراپرٹی بنائی،سچ تو ایک ہی ہے جھوٹ ایک بولتے ہیں تو اس کے بعد 100 جھوٹ بولنا پڑتے ہیں اور جھوٹ کے لئے کبھی قطری خط تو کبھی جھوٹ بولا جاتا ہے۔ میڈیا سے گفتگو کرتے ہوئے عمران خان نے نہال ہاشمی کے خطاب پر رد عمل دیتے ہوئے کہا کہ نہال ہاشمی کا بیان ڈرامہ ہے ¾یہ نواز شریف کی پرانی عادت ہے ،پہلے بیان دلواتے ہیں اور پھر ہٹاتے ہیں،انہوں نے پہلے مشاہد اللہ سے بیان دلوایاپھر بعد میں انہیں نواز دیا اور اس کے بعد پرویز رشید کے ساتھ بھی ایسا ہی کیا گیا ،یہ وہ لوگ ہیں جنہوں نے ججوں پر ڈنڈوں سے حملہ کیا۔انہوں نے کہا کہ نہال ہاشمی کی جگہ جیل میںہے تاکہ عبرت ناک پیغام جائے ¾اس سے بڑا جرم کیا ہے کہ آپ عدالتوں کو دھمکیاں دیں،پلان کرکے جے آئی ٹی کو نشانہ بنایا گیا ، وزیراعظم کا ٹرائل ہورہا ہے اور وہ کرسی پر جما بیٹھے ہیں ¾ کرمنل ٹرائل کی وجہ سے انہیں سعودی عرب میں وہ عزت نہیں دی گئی جو دینی چاہیے تھی اور ایک بن بلائے مہمان کی طرح ان کے ساتھ سلوک کیا گیا،جے آئی ٹی ارکان پر اعتراض کرنے والوں کو شرم آنی چاہیے۔عمران خان نے کہاکہ کراچی میں ٹینکر مافیا اربوں روپے کما رہا ہے،صاف پانی بہت بڑا ایشو ہے اور پاکستان میں گندا پانی پینے سے بچے مرتے ہیں اور پاکستان میں پانی کا معیار بہت خراب ہے،خیبر پختونخوا کو حصے کی بجلی بھی نہیں دی جاتی۔کے پی کے میں ڈاکٹروں کی ہڑتال پر بات کرتے ہوئے عمران خان نے کہا کہ ہم کسی صورت بلیک میل نہیں ہونگے ،ہڑتال اس لے ہورہی ہے کیونکہ ہم نے حاضری کیلئے بائیومیٹرک سسٹم بنا دیا ہے۔عمران خان نے ڈاکٹر عافیہ صدیقی سے متعلق سوال کا جواب دیتے ہوئے کہا کہ عافیہ صدیقی کیلئے سب سے زیادہ جہدوجہد میں نے کی۔
