لاہور(وقائع نگار) پاکستان تحریک انصاف کے چیئرمین عمران خان نے کہا ہے کہ اصل میں جمہوریت نہیں مافیا ڈان خطرے میں آگیا ہے، انہوں نے کہا کہ میڈیا کا گاڈ فادر میر شکیل الرحمان نواز شریف کو معصوم بنا کر جعلی خبریں چلارہا ہے، ان خیالات کا اظہار انہوں نے چیئرمین سیکرٹریٹ میں صحافیوں سے ملاقات اور میڈیا ٹاک کے دوران گفتگو کرتے ہوئے کیا اس موقع پر جہانگیر ترین، شفقت محمود، فواد چوہدری، نعیم الحق، افتخار درانی، میاں محمود الرشید، میاں اسلم اقبال، شعیب صدیقی، ڈاکٹر شاہد صدیق خاں، جمشید اقبال چیمہ، شوکت بھٹی، نعمان چٹھہ، رانا ندیم، سہیل ظفر چیمہ سمیت مرکزی وصوبائی اور ضلعی قائدین بھی موجود تھے۔</p>
