دبئی (خصوصی رپورٹ) متحدہ عرب امارات میں نسوار اور پان فروخت کرنے پرپابندی عائد ہے۔ اس کے باوجود غیرقانونی طور پر اس کی فروخت جاری ہے جس کی شکایات موصول ہونے پر محکمہ اقتصادی ترقی کی ٹیم نے ایک ریسٹورنٹ سے نسوار برآمد کرتے ہوئے اسے سیل کردیا۔ محکمہ اقتصادی ترقی کی انسداد منشیات ٹیم نے عوامی شکایات پر ریاست ام القوین کے ریسٹورنٹ میں چھاپے مارتے ہوئے بھاری مقدار میں نسوار برآمد کرلی۔ انسداد منشیات ٹیم نے ریسٹورنٹ کو سیل کرتے ہوئے چند ملازمین کو حراست میں لے لیا۔ محکمہ اقتصادی ترقی کے سٹاف انسپکٹر سیف سلیم کے مطابق ریسٹورنٹ میں نسوار کی فروخت سے متعلق متعدد شکایات موصول ہوئی تھیں۔
