ہمبنٹوٹا(نیوزایجنسیاں ) زمبابوے نے سری لنکا کو چوتھے ون ڈے میچ میں ڈک ورتھ لوئس میتھڈکے تحت 4وکٹوں سے شکست دیدی ہے جس کے بعد پانچ میچوں کی سیریز 2-2سے برابر ہو گئی ہے۔تفصیلات کے مطابق سری لنکا نے چھ وکٹو ںکے نقصان پر پچاس اوورز میں 300رنز بنائے اور 301رنز کا ہدف دیا تاہم بارش کے باعث ڈک ورتھ لوئس میتھڈ کے تحت میچ کو 31اوورز تک محدود کرتے ہوئے ٹارگٹ 219رنز کر دیا گیا جسے زمبابوے نے 6وکٹوں کے نقصان پر 29.2اوورز میں 6وکٹوں کے نقصان پر عبور کر لیا۔جس میں کریگ اروائن 69رنز کے ساتھ ناقابل شکست رہے ،سولومن میر نے 43،موسا کنڈا نے 30اور ہمیلٹن نے 28رنز کی اننگ کھیلی۔اس سے قبل سری لنکا نے مقرررہ 50اوورز میں چھ وکٹوں کے نقصان پر 300رنز بنائے جس میں نیرو شان نے 116رنز کی انتہائی شاندار اننگ کھیلی جبکہ دنشکا نے 87رنز بنائے اور دوسرے نمبر پر رہے۔ان کے علاوہ میتھیوز نے 42اور اوپل تھرنگا نے 22رنز بنائے۔
