پیپلز پارٹی چھوڑدی یانہیں؟, حقیقت سامنے آگئی

لاہور( این این آئی) پاکستان پیپلز پارٹی وسطی پنجاب کے جنرل سیکرٹری ندیم افضل چن کی بیرون ملک سے وطن واپسی اور چیئرمین بلاول بھٹو سے ملاقات کے بعد پارٹی چھوڑنے کی افواہیں دم توڑ گئیں۔ ندیم افضل چن گزشتہ کئی ماہ سے بیرون ملک مقیم تھے اور ان کی ملک میں عدم موجودگی کے باعث یہ افواہیں گردش کر رہی تھیں کہ وہ پیپلز پارٹی کو خیر باد کہہ کر پی ٹی آئی میں شمولیت اختیار کر رہے ہیں۔ ندیم افضل چن کی وطن واپسی کے بعد فوری طو رپر پارٹی چیئرمین بلاول بھٹو سے ملاقات کے بعد تمام افواہیںدم توڑ گئی ہیں۔