لاہور (خصوصی رپورٹ)نیویارک کے میوزیم میں ایک انوکھا کموڈ عوام کی توجہ کا مرکز بنا ہوا ہے جو کسی اور شے سے نہیں بلکہ خالص سونے سے تیار کیا گیا ہے ۔اطالوی آرٹسٹ موریزو کیٹلین نے اٹھارہ قیراط سونے سے یہ کمو ڈ تیارکیا ہے جسے امریکی شہری ٹکٹ خرید کر استعمال کرتے دکھائی دے رہے ہیں۔نیویارک میں واقع میوزیم میں رکھے گئے اس گولڈ کموڈ کوگزشتہ روز سے باقاعدہ عوام کیلئے کھول دیا گیا جسے استعمال کرنے کے خواہشمند افراد کو پہلے ٹکٹ خریدنا پڑیگا ۔میوزیم انتظامیہ کے مطابق ایک گارڈ اس کی حفاظت کیلئے ٹوائلٹ کے باہر ہر وقت موجود ہوگا جبکہ خصوصی وائپرز کے ذریعے اس ٹوائلٹ کو ہر پندرہ منٹ بعد صاف کیا جائے گا ۔
