لندن (خصوصی رپورٹ) سابق وزیراعظم نوازشریف کی اہلیہ کلثوم نواز کے معالجین کا کہنا ہے کہ ان کی مریضہ کی بیماری سنگین صورت اختیار کر چکی ہے۔ کینسر کا مرض جسم کے دیگر حصوں سے پھیلتا ہوا گردن تک پہنچ چکا ہے۔ ڈاکٹرز تاحال بیماری پھیلنے کی وجوہات پر تحقیق کر رہے ہیں۔ کلثوم نواز کی ہر 3ہفتے بعد کیموتھراپی ہو گی جو 5ماہ جاری رہے گی۔ یہ بات قابل ذکر ہے کہ کلثوم نواز میں کینسر کی تشخیص 2ماہ قبل ہوئی تھی اور اب تک ان کی 3بار سرجری کی جا چکی ہے۔
