اپر دیر(ویب ڈیسک) چیرمین تحریک انصاف کا کہنا ہے کہ ملک میں وی آئی پی احتساب ہوتا ہے اور ملک کے سب سے بڑے ڈاکو زرداری اور نوازشریف ہیں۔اپر دیر میں جلسے سے خطاب کرتے ہوئے عمران خان نے کہا کہ غریب اور بڑے شخص کے لیے ایک قانون ہونا چاہیے، ہماری سب سے بڑی تباہی کا سبب یہی کہ صرف چھوٹا چور جیلوں میں جاتا ہے اور بڑے ڈاکوو¿ں کو پروٹوکول ملتا ہے، ملک میں وی آئی پی احتساب ہوتا ہے۔عمران خان نے کہا کہ ملک کی جیلوں میں جو چور ہیں ان سب کی چوری کی قیمت لگائیں تو نوازشریف کا ایک لندن مے فیئر کے برابر ہوگا، چھوٹا چور چوری کرے تو گھر کا نقصان ہوتا ہے لیکن جب ملک میں وزیراعظم، صدر اور وزیر کرپشن کریں تو ساری قوم کا پیسہ لوٹ کر قوم کو مقروض کردیتے ہیں۔ نوازشریف اورآصف زرداری کو شدید تنقید کا نشانہ بناتے ہوئے کہا کہ ملک کے سب سے بڑے ڈاکو زرداری اور نوازشریف ہیں، 2008 میں ہر پاکستانی پر 35 ہزار قرضہ تھا لیکن ان کے 9 سالوں میں ہر پاکستانی ایک لاکھ 20 ہزار کا مقروض ہے۔انہوں نے کہا کہ ملک کا پیسہ کہاں گیا، ایک ہوتا ہے ڈاکہ مارنا اور ایک ہوتا ہے ڈاکہ مار کے پیسہ ملک سے باہر لے کر جانا، اسے منی لانڈرنگ کہتے ہیں، یہ اس طرح پیسہ باہر لے کر جاتے ہیں، ملک میں جب دولت کی کمی ہوتی ہے توآئی ایم ایف سے قرضے لینے پڑتے ہیں اور مہنگائی کے ذریعے قوم یہ سب قرضے ادا کرتی ہے۔عمران خان کا کہنا تھا کہ یہ واحد ملک اسلام کے نام پر بنا تھا، ہمیں اسے وہ ملک بنانا ہے جہاں انصاف ہو، بڑے ڈاکوو¿ں کو جیلوں میں ڈالا جائے، ان کا پیسہ ملک میں لایا جائے تاکہ یہ پیسہ نوجوانوں کو روزگار دینے پر خرچ ہو۔چیرمین پی ٹی آئی نے کہا کہ بینظیر گئی تو زرداری اور بلاول اوپر آگئے، بیچارے بلاول کو تو اردو بھی بولنا نہیں آتی، جس نے ایک روپیہ محنت سے نا کمایا ہو وہ ملک کی سربراہی کیسے کرسکتا ہے؟ بلاول بھٹو اور آصف زرداری میں کیا قابلیت ہے؟ سینما کے ٹکٹ بلیک کرنے والا کس طرح ملک چلا سکتا ہے؟ان کا کہنا تھا کہ کیا (ن) لیگ میں نواز شریف کی بیٹی کے علاوہ کوئی اور نہیں جو آگے آئے؟عمران خان نےکہا کہ جو انقلاب خیبرپختونخوا سے شروع ہوا تھا وہ سارے پاکستان میں آنے والا ہے، اگلے الیکشن میں تحریک انصاف کامیاب ہوگی۔
