مونٹرال (آئی این پی) عوامی مسلم لیگ کے سربراہ رکن قومی اسمبلی شیخ رشید نے کہا ہے کہ فوج کی کوشش ہے کہ جمہوریت کو بچایا جائے‘شریف خاندان کی وجہ سے پاکستان میں جمہوریت کو شدید خطرات ہیں‘ شریف فیملی فوج اور عدلیہ کو نشانہ بنا رہی ہے‘فرد جرم عائد ہونے کے بعد اسحاق ڈار آئی ایم ایف کے اجلاس میں نہیں جا سکتے۔ وہ بدھ کو یہاںکینیڈا کے شہر مونٹرال میں پاکستانی کمیونٹی سے خطاب کرتے ہوئے کہا کہ شیخ رشید نے کہا کہ نواز شریف کو ان کی کرتوتوں کی وجہ سے نکالا گیا، اسحاق ڈار کو شرم آنی چاہئے. فرد جرم عائد ہونے کے بعد اسحاق ڈار آئی ایم ایف کے اجلاس میں نہیں جا سکتے۔ انہوں نے کہا کہ اسحاق ڈار کوچاہیے کہ وہ فوراً استعفیٰ دے دیں۔ سربراہ عوامی مسلم لیگ شیخ رشید کا مزید کہنا تھا کہ فوج کی کوشش ہے کہ جمہوریت کو بچایا جائے۔
