بھارت میں 11سال قیدبچی سمیت 3خواتین پاکستان پہنچ گئیں

لاہور (کرائم رپورٹر ) بھارت میں منشیات اسمگلنگ کے ا لزام میں گیارہ سال سے قید پاکستانی خواتین فاطمہ، ممتاز اور گیارہ سالہ حنا وطن واپس پہنچ گئیں ۔تفصیلات کے مطابق بھارت کی امرتسر جیل میں گزشتہ گیارہ سال سے قید دو بہنوں فاطمہ اور ممتاز کو
پاکستان واپس آنے کی اجازت مل گئی ہے دونوں بہنیں گوجرانوالہ کی رہائشی ہیں، جو دوہزار چھ میں سمجھوتہ ایکسپریس کے ذریعے اپنے رشتہ داروں سے ملنے بھارت گئیں تو انہیں اسمگلنگ کے الزام میں گرفتار کر لیا گیا تھا ۔بھارتی عدالت نے دونوں بہنوں کو ساڑھے دس دس سال قید اور دو دو لاکھ روپے جرمانے کی سزا سنائی تھی اس سال اپریل میں سزا تو ختم ہو گئی لیکن جرمانے کی رقم ادا نہ کرنے کیوجہ سے رہائی نہ مل سکی تھی لیکن اب ایک بھارتی این جی او نے پاکستانی خواتین کی جرمانے کی رقم ادا کر دی ہے جس کے بعد انہیں جیل سے رہا کر کے واپس پاکستان بھیجا جا رہاہے ۔