لاہور(خصوصی رپورٹ)امریکی ریاست کولوراڈو میں منچلے نوجوان نے ڈائنو سار کا روپ دھار کر رسی پر چل کر اسے عبور کیا۔یوں تو آپ نے دنیا بھر میں کئی منچلے نوجوانوں کو مشکل ترین کرتب کرتے دیکھا ہوگا تاہم اب اس شوق میں صرف انسان ہی نہیں بلکہ یہ ڈائنوسار بھی کسی سے پیچھے نہیں۔امریکہ میں ایڈونچر کے شوقین ایک ڈائنو سار نے رسی عبور کرنے کا شاندار مظاہرہ پیش کرکے دیکھنے والوں کو حیران کردیا۔ویڈیو میں نظر آنے والا یہ ڈائنو ساراصلی نہیں بلکہ کولوراڈو سے تعلق رکھنے والا ایک نوجوان ہے جس نے ڈائنو سار کا روپ دھار رکھا ہے ۔نوجوان نے ڈائنو سار کے روپ میں سلیک لائننگ کا شاندار مظاہرہ کرتے ہوئے رسی پرتوازن بر قرار رکھنے کا ایسا حیرت انگیز کارنامہ سر انجام دیا کہ دیکھنے والے محظوظ ہوئے بنا نہ رہ پائے ۔
