اسلام آباد (نیٹ نیوز) ڈونلڈ ٹرمپ کی دھمکیوں کے جواب میں مشیر قومی سلامتی ناصر جنجوعہ امریکی صدر پر برس پڑے۔ ناصرجنجوعہ نے کہا کہ پاکستان نے اربوں ڈالر پرائی جنگ میں جھونک دئیے، 70 ہزار جانوں کا نذرانہ دیا، بدلے میں کیا ملا؟ الزامات! وقت آ گیا ہے کہ ڈو مور کے جواب میں امریکہ بہادر کو نو مور کہہ دیا جائے۔مشیر قومی سلامتی نے واضح کیا کہ امریکہ اپنی ناکامی کا ملبہ پاکستان پر ڈال کر دنیا کو گمراہ تو کر سکتا ہے لیکن اس سے افغانستان میں امن نہیں آ سکتا، خود امریکہ کے اتحادی بھی تنگ آ چکے ہیں اور افغان مسئلے کا حل چاہتے ہیں۔ناصر جنجوعہ نے بھارت کو افغانستان کے حالات میں خرابی کا ذمہ دار قرار دیا اور کہا کہ بھارت کو کردار دینے سے خطے کا سٹریٹجک توازن بگڑے گا۔ مشیر قومی سلامتی کا کہنا تھا کہ پوری دنیا کو افغان مسئلے کے حل کے لئے میدان میں آنا چاہئے۔

لاہور ( ویب ڈیسک)امیر جماعت اسلامی پاکستان سینیٹر سراج الحق نے کہاہے کہ کچھ لوگ آئین کی دفعہ باسٹھ تریسٹھ کو نکالنے کے لیے آئین پر خود کش حملہ کرنا چاہتے ہیں مگر قوم ایسے حملوں کی مزاحمت کرے گی اور کسی کو اپنی کرپشن چھپانے اور نااہلی سے بچنے کی لیے آئین سے کھلواڑکرنےکی اجازت نہیں دے گی ،62،63پاکستان کی سا لمیت ، بقا اور ملی وحدت کی ضمانت ہے ، جو لوگ ان دفعات کوآئین سے نکالناچاہتے ہیں وہ در اصل پاکستان کی سا لمیت کو تباہ اور قومی یکجہتی کو پارہ پارہ کرنے پر تلے ہوئے ہیں، اگر متفقہ آئین کو چھیڑا گیا تو پھر قوم ایک آئین پر متحد ہوگی نہ صوبوں کو مرکز کے تحت رکھا جاسکے گا ، سپریم کورٹ تمام سیاستدانوں ، بیوروکریٹس ، جرنیلوں اور ججوں کو احتساب کے کٹہرے میں کھڑا کرے اور بیرون ملک پڑے ہوئے اربوں کھربوں کے اثاثوں کو ملک میں منتقل کرنے کے اقدامات کرے،جماعت اسلامی کی احتساب سب کا تحریک لوٹی گئی قومی دولت کی واپسی تک جاری رہے گی، وقت آگیاہے کہ کرپٹ مافیا کابے رحمانہ احتساب کیا جائے ، ایسے سی پیک کو تسلیم نہیں کریں گے جس کا حصہ مالاکنڈ نہ ہو ، جماعت اسلامی ہی ملک کو موجودہ بحرانوں سے نجات دلاسکتی ہے ۔ ان خیالات کااظہار انہوں نے ادین زئی چکدرہ دیر میں بڑے عوامی جلسہ سے خطاب کرتے ہوئے کیا ۔ جلسہ سے امیر جماعت اسلامی خیبر پختونخوا مشتاق ا حمد خان ، وزیر خزانہ مظفر سید اور دیگر نے بھی خطاب کیا ۔ سینیٹر سراج الحق نے کہاکہ کرپٹ ٹولہ اپنی کرپشن کو چھپانے اور چور لٹیروں کو ایوانوں تک پہنچنے کا رستہ دینے کے لیے متفقہ آئین سے ملک و قوم کو محروم کرنے کی سازشیں کر رہاہے لیکن قوم آئین پر کسی خود کش حملے کو برداشت نہیں کرے گی اور آئین کے تحفظ کے لیے ہم بھر پور مزاحمت کریں گے ۔ انہوں نے کہاکہ اس وقت ملک و قوم اندرونی و بیرونی دشمنوں سے نبردآزما ہے ایک طر ف ٹرمپ پاکستان کو دھمکیاں دے رہاہے اور دوسری طرف کچھ لوگ پاکستان کی سلامتی اور بقا اور قومی یکجہتی کے ضامن آئین کو اپنی خواہشات کی بھینٹ چڑھاناچاہتے ہیں ۔ انہوںنے کہاکہ پاکستانی قوم ٹرمپ کی دھمکیوں سے ڈرنے والی نہیں ۔ امریکہ افغانستان سے بری طرح ناکام و نامراد ہو کر نکلے گا اور وہ وقت قریب آن پہنچا ہے کہ دنیا امریکہ کی یک محوری قوت کے سحر سے آزاد ہونے والی ہے ۔ انہوں نے کہاکہ خطے میں بھارت کی تھانیداری قائم کرنے کا امریکی خواب کبھی پورا نہیں ہوسکتا ۔سینیٹر سراج الحق نے ایک بار پھر سپریم کورٹ سے اپیل کی کہ احتساب کے عمل کو مکمل کرنے کے لیے پانامہ لیکس کے دیگر 436 کرداروں ، بنکوں اور قومی اداروں کو لوٹنے والوں کو احتساب کے کٹہرے میں کھڑا کرے ۔ جب تک لوٹی گئی قومی دولت واپس نہیں آتی ، احتساب کا عمل ادھورا رہے گا اور لوگ سمجھیں گے کہ احتساب صرف نوازشریف تک محدود رکھا گیاہے ۔ انہوں نے کہاکہ پوری قوم چاہتی ہے کہ لٹیروں کو اقتدار کے ایوانوں سے اٹھا کر جیلوں کی سلاخوں کے پیچھے بند کیا جائے۔

لاہور( ویب ڈیسک) معروف فنکار فخر عالم نے کہا ہے کہ لاہور ایئر پورٹ پر ایک سیاستدان کو چیک کیے بغیر ہی جانے دیا گیا۔ تفصیلات کے مطابق فخر پاکستان کا کہنا تھا کہ کراچی سے لاہور آئے تھے کہ انہوں نے ایئرپورٹ پر دیکھا کہ رکن قومی اسمبلی اور عوامی مسلم لیگ کے سربراہ شیخ رشید آئے او ر وہ سکیورٹی چیک پر نہیں رکے بلکہ اسے کراس کرتے ہوئے سیدھے اندر چلے گئے اور اہلکاروں نے بھی انہیں روکا نہیں ،جب میں نے ان سے پوچھا کہ آپ نے انہیں چیک کیوں نہیں کیا تو جواب ملا کہ ایم پی ایز اور ایم این ایز کو سکیورٹی سے استثنیٰ حاصل ہے۔

راولپنڈی ( ویب ڈیسک)راولپنڈی کی احتساب عدالت نے پاکستان پیپلز پارٹی (پی پی پی)کے شریک چیئرمین اور سابق صدر آصف علی زرداری کو 16 سال بعد غیر قانونی اثاثہ جات ریفرنس کیس میں بری کردیا۔ آصف علی زرداری پر غیر قانونی اثاثے بنانے کا الزام تھا جس کا ریفرنس سابق صدر جنرل ریٹائرڈ پرویز مشرف کے دور حکومت میں احتساب عدالت میں دائر کیا گیا تھا۔ سابق صدر کے وکیل فاروق ایچ نائیک نے عدالت میں بریت کی درخواست دائر کی تھی۔ راولپنڈی کی احتساب عدالت نمبر ایک کے جج خالد محمود رانجھا نے آصف زرداری کی بریت کی درخواست منظور کی۔ عدالت نے اپنے فیصلے میں کہا کہ نیب نے جو ریفرنس دائر کیا اس کی کوئی قانونی حیثیت نہیں ہے۔ واضح رہے کہ آصف زرداری اور اور مرحومہ بے نظیر بھٹو کے خلاف یہ ریفرنس 2001 میں احتساب عدالت میں دائر کیا گیا تھا، جو بعد ازاں اس وقت کے صدر پرویز مشرف کی جانب سے جاری کردہ قومی مفاہمتی آرڈیننس (این آر او)کے تحت 2007 میں بند کردیا گیا۔ دسمبر 2009 میں سپریم کورٹ نے این آر او کو کالعدم قرار دے دیا اور اس آرڈیننس کے تحت بند کیے جانے والے تمام کیسز کو دوبارہ کھولنے کا حکم دیا۔ آصف علی زرداری اس وقت صدر پاکستان کے عہدے پر فائز تھے جس کی وجہ سے انہیں آئین کے آرٹیکل 248 کے تحت استثنیٰ حاصل تھا۔ نیب نے پی پی پی کے شریک چیئرمین آصف زرداری کے خلاف ریفرنس کو اپریل 2015 میں دوبارہ کھولنے کا فیصلہ کیا جس کے بعد سے اس ریفرنس پر کارروائی سست روی کا شکار تھی۔ اس کیس میں رواں سال کوئی پیش رفت دیکھنے میں نہیں آئی کیونکہ آصف علی زرداری کے وکیل اپنی بیماری کی وجہ سے کیس کی پیروی کرنے سے قاصر تھے۔ پاناما پیپرز کیس کے فیصلے کے بعد آصف علی زرداری کے وکیل فاروق ایچ نائیک نے بھی اپنی حاضری کو یقینی بنایا اور احتساب عدالت نے نیب کے ساتھ مشاورت کرتے ہوئے روزانہ کی بنیاد پر سابق صدر کے خلاف ریفرنس کی سماعت کا فیصلہ کیا۔رواں سال کے آغاز میں یہ بات سامنے آئی کی کرپشن ریفرنس کا ایک اہم گواہ پر اسرار طور پر غائب ہوگیا تھا، بعد ازاں بیرسٹر جواد مرزا نامی گواہ کو راولپنڈی احتساب عدالت سے اشتہاری ملزم قرار دے دیا گیا تھا۔ یاد رہے کہ آصف علی زرداری کے خلاف کرپشن کے 6 مقدمات دائر کیے گئے تھے تاہم اپنے عہدے کی مدت پوری کرنے کے بعد احتساب عدالت میں ان کیسز کے حوالے سے کارروائی ہوئی، جن میں سے 5 کیسز میں انہیں پہلے ہی بری کیا جاچکا تھا۔

میاں چنوں ( ویب ڈیسک) وجھیانوالا میں عورتوں کے ہاتھوں جعلی پیر کی چھترول ، درگت کے بعد پولیس کے حوالے ۔ تفصیلات کے مطابق خاتون نے بتایا کہ ہم خانیوال سے آئے ہیں ہمارا بچہ گم ہوا ہے ۔ اڈا وجھیانوالہ کے پیر مشتاق ماچھی نے کہا کہ پندرہ سالہ لڑکی لے کر آو¿ اس پر جنات اثر کریں گے اور وہ گمشدہ لڑکے کے بارے بتائے گی ۔ ہم پندرہ سالہ لڑکی لے کر آئے تو پیر نے لڑکی کی آنکھوں پر پٹی باندھ دی اور چھیڑ چھاڑ کرنے لگا تو لڑکی نے شور کردیا جس پر لڑکی کے ساتھ آئی خواتین نے نام نہاد پیر کو پکڑ کر خوب درگت بنائی ۔ پیر نے چوبارہ سے چھلانگ لگائی تو جعلی پیر کی ٹانگ ٹوٹ گئی۔ تاہم تھانہ چھب کلاں پولیس نے پیر کو گرفتار کرکے کارروائی شروع کردی ہے علاقہ ایس ایچ او کے مطابق تفتیش کر رہے ہیں جلد بات واضح ہو جاے گی۔

لاہور( ویب ڈیسک) گردہ کی غیر قانونی پیوندکاری کے دو نئے مریضوں کے کیس کے حوالے سے مزید انکشاف ہوا ہے، تفصیلات کے مطابق شیخ زید ہسپتال لاہور میں علاج و معالجہ کی غرض سے آنیوالے مرد و خواتین کے بارے میں ہوٹا کے ڈائریکٹر لیگل عمران احمد اور ڈائریکٹر ویجیلینس عدنان احمد بھٹی کو خفیہ ذرائع سے اطلاع موصول ہوئی تھی کہ دو مرد و خواتین گردہ کی غیر قانونی پیوندکاری کروانے اور طبیعت ناساز ہونے کے باعث شیخ زاید میں علاج و معالجہ کروارہے ہیں، جس پر ہیومن آرگنزٹرانسپلانٹ اتھارٹی (ہوٹا) کے ڈائریکٹران نے مقامی تھانہ میں غیر قانونی پیوندکاری کے کروانے والی 24سالہ ماہ نور اور 30سالہ نواز کے خلاف ایف آئی آر درج کروائی، ابتدائی تحقیقات میں ماہ نور کا کہنا ہے کہ میرے گردہ کی پیوندکاری راولپنڈی میں ہوئی اور مجھے کالی شیشوں والی گاڑی میں لیجایاگیا اور آپریشن کی فیس 30لاکھ روپے ادا کی، اسی طرح نواز کا کہناہے کہ مجھے بھی کالی شیشوں والی گاڑی میں ساہیوال لیجایاگیا اور مجھ سے بھی 30لاکھ وصول کئے گئے ، ذرائع کا کہنا ہے کہ ابتدائی رپورٹ میں حافظ اجمل نامی ایجنٹ کانام سامنے آیا ہے جو کہ گردوں کی غیر قانونی پیوندکاری میں ملوث اور گرفتار کنسلٹنٹ ڈاکٹر فواد کا بھی ایجنٹ تھا تاہم اب تک مریضوں کی طبیعت خراب ہونے کے باعث ان سے سخت سوالات سے گریز کیا جارہاہے ، اگر طبیعت سنبھل گئی تو تحقیقات کادائرہ وسیع کیا جائیگا تاکہ اصل ملزمان تک پہنچا جاسکے ، جبکہ دونوں مریضوں کو پروفیسر محمود گیلانی کےک نام سے جعلی ڈسچارج سرٹیفکیٹ کے ذریعے فارغ کیاگیا ، ذرائع کا یہ بھی کہنا ہے کہ دونوں مریض الگ الگ وقت میں ہسپتال آئے اور آپس میں ان کا کوئی رشتہ بھی نہیں ہے جو ایک حیران کن امر ہے۔

لاہور ( ویب ڈیسک) سابق وزیر اعظم محمد نواز شریف اور وزیر اعلیٰ پنجاب محمد شہباز شریف کے بچے قومی ایئر لائن کی پرواز کے ذریعے لندن روانہ ہوگئے جہاں وہ بیگم کلثوم نواز کی عیادت کریں گے ۔ میڈیا رپورٹس کے مطابق نواز شریف اور شہباز شریف کے بچے لاہور کے علامہ اقبال انٹر نیشنل ایئر پورٹ سے لندن جانے والی قومی ایئر لائن کی پرواز پی کے 757 سے روانہ ہوئے ۔لندن جانے والے افراد میں نواز شریف کی دوسری بیٹی اور وزیر خزانہ اسحاق ڈار کی بہواسماعلی، شہباز شریف کی بیٹی، حمزہ شہباز کے بیوی بچے اور وزیر اعلیٰ پنجاب شہباز شریف کے صاحبزادے سلیمان شہباز شامل ہیں۔ذرائع کا کہنا ہے کہ لندن روانہ ہونے والے افراد نواز شریف کی اہلیہ کلثوم نواز کی عیادت کریں گے جو کہ وہاں علاج کروا رہی ہیں۔