ممبئی(ویب ڈیسک) بالی ووڈ اداکارہ سونم کپور نے بھی اپنے دوست اور بزنس مین آنند اہوجا سے مارچ میں شادی کرنے کا فیصلہ کرلیا، راجستھان کے تاریخی شہر جودھ پور میں عمیر بھون پیلس میں بکنگ بھی کرلی گئی ، مخصوص لوگ شریک ہونگے۔بھارتی میڈیا کے مطابق گزشتہ ماہ بھارتی کرکٹ ٹیم کے کپتان ویرات کوہلی اور اداکارہ انوشکا شرما کی شادی نے پوری دنیا کو اپنی طرف متوجہ کیے رکھا اور اب بالی ووڈ کی ایک اور صف اول کی اداکارہ سونم کپور نے بھی شادی کا فیصلہ کیا ہے وہ اپنے دیرینہ دوست اور بزنس مین آنند اہوجا کے ساتھ شادی کرنے جارہی ہیں۔ بالی ووڈ کے وراسٹائل اداکار انیل کپور کی صاحبزادی سونم کپور نے ایک انٹریو میں خود اس بات کی تصدیق کی کہ وہ مارچ میں اپنے دوست آنند اہوجا کے ساتھ شادی کے بندھن میں بندھ جائیں گی اور اس حوالے سے بھارتی ریاست راجستھان کے تاریخی شہر جودھ پور میں عمیر بھون پیلس میں بکنگ بھی کرلی گئی ہے جس میں مخصوص لوگ ہی شریک ہوں گے۔
