لندن(اے پی پی) شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر نے 2017ءلاریوس ورلڈ سپورٹس مین آف دی ایئر اور کم بیک آف دی ایئر ایوارڈز اپنے نام کر لئے، سرینا ولیمز ورلڈ سپورٹس ویمن آف دی ایئر قرار پائیں۔ 36سالہ سوئس سٹار کو گزشتہ برس سات سال بعد دو گرینڈ سلام ٹائٹلز جیتنے اور سرینا ولیمز کو کیریئر کا 23واں گرینڈ سلام ٹائٹلز جیتنے پر ایوارڈز سے نوازا گیا۔ فیڈرر نے اپنے بیان میں کہا کہ اس سطح پر کم بیک کرنے کا یقین نہیں تھا، بلاشبہ یہ میرے لئے باعث فخر لمحہ ہے، رواں سال بھی عمدہ کارکردگی کے تسلسل کو برقرار رکھتے ہوئے مزید ٹائٹلز اپنے نام کرنے کیلئے پر جوش ہوں۔گزشتہ روز ایک تقریب کے دوران یہ ایوارڈ سابق کھلاڑی بورس بیکر نے عالمی نمبر ایک کھلاڑی کو دیا۔اس سے قبل یہ ایوارڈ یوسین بولٹ بھی چار مرتبہ جیت چکے تھے ۔اس کے علاوہ اسپورٹس وومن آف دی ایئر سرینا ولیئمز قرار پائیں۔
