صدر پاکستان مسلم لیگ ن اور وزیر اعلیٰ پنجاب محمد شہباز شریف نے اپنی حالیہ ٹویٹ میں کہا ہے کہ ہم نئے صوبے کے نعرے پہ سیاست نہیں کر رہے اگر عوام نے حالیہ انتخاب میں مسلم لیگ ن کو مینڈیٹ دیا تو ہمارا عزم ہے کہ ہم بہاولپور اور جنوبی پنجاب کو پنجاب اسمبلی کی طرف سے قرارداد کی منظوری کے ذریعے جو ہم پہلے ہی کر چکے ہیں ،نئے صوبے بنائیں گے اوریہ دور حاظر کی ضرورت بھی ہے ۔انہوں نے کہا کہ وہ جنوبی پنجاب کے ترقی اور خوشحالی پر یقین رکھتے ہیں اور ان کی حکومت میں اب بھی جنوبی پنجاب کی 32 عوام کیلئے36 فیصد کے حساب سے فنڈنگ مہیا کر کے خوشحالی کی بنیاد رکھی جا چکی ہے اور جنوبی پنجاب میں تعلیم ،صحت اور انفراسٹرکچر کے شعبے میں بے بہا اقدامات کئے جا چکے ہیں۔
