چیف جسٹس صاحب خدارا مرغزار کالونی کربلا کا کچھ کیجئے ,غریبوں کے مسیحا بن کر اس درد کی بھی دواتو دیجئے

لاہور (ویب ڈیسک ) مرغزار کالونی لاہور کے رہائشیوں کے لئے زندگی عذاب بن گئی۔ معصوم بچوں‘ خواتین اور بزرگ افراد کا احتجاج۔ پانی کی بوند بوند کو ترس گئے ہیں۔ خدارا گرمی کے موسم میں اس عذاب سے نجات دلائی جائے۔ تفصیلات کے مطابق لاہور کے پوش علاقہ مرغزار کالونی کے مکین بورنگ والا زنگ آلود اور بیماریوں کی آماجگاہ والا پانی پینے اور استعمال کرنے پر مجبور ہیں۔ اس سلسلہ میں سب سے بڑی رکاوٹ مرغزار سوسائٹی ہے جو اپنا ہی قانون لاگو کئے بیٹھی ہے۔ مرغزار سوسائٹی کی بدمعاشیاں عروج پر دیکھ کر مکین پھٹ پڑے۔ لوگوں کا کہنا ہے کہ کس قانون کے تحت مرغزار سوسائٹی ہمیں پانی کی سہولت دینے سے انکاری ہے۔ ہم صاف پانی کو ترس گئے ہیں اور مجبوراً دوسرے علاقوں سے پانی بھر کے لانے پر مجبور ہیں۔ سروے میں شہریوں کا کہنا ہے کہ مرغزار سوسائٹی ہمیں پانی کے پائپ سوسائٹی سے باہر نہیں نکالنے دیتے تاکہ کہیں ان کے پانی میں کم نہ آجائے۔ مکینوں نے وزیراعلیٰ شہبازشریف‘ محکمہ واسا کے اعلیٰ حکام سے اپیل کی ہے کہ مرغزار سوسائٹی کی بدمعاشیوں کا فوری نوٹس لے کر اقدامات کریں ورنہ مکینوں کا احتجاج حکام کی نیندیں حرام کردے گا۔