برلن (خصوصی رپورٹ) جرمنی کے شہر منہائیم کی شراب بنانے والی ایک کمپنی نے بیئر کی بوتلوں پر سعودی پرچم پرنٹ کر دیا جس سے تنازع کھڑا ہو گیا۔ یہ بوتلیں خاص طور پر فٹ بال ورلڈکپ کیلئے تیار کی گئی تھیں لیکن مسلمانوں کے احتجاج کے بعد اس کمپنی نے فوری طور پر معافی مانگ لی۔ کمپنی نے تمام 32ٹیموں کے پرچم بیئر کی بوتلوں پر پرنٹ کئے تھے لیکن سعودی عرب کے پرچم کے حوالے سے اس ادارے کو شدید تنقید کا سامنا کرنا پڑا ہے۔ اس کمپنی کے خلاف شکایات درج کروانے والے افراد کا کہنا تھا کہ اس طرح اسلام اور شراب کو آپس میں منسلک کرنے کی کوشش کی گئی ہے۔ آئش بام کمپنی نے معافی نامہ جاری کرتے ہوئے کہا کہ اشتہاری مہم ختم اور بیئر کی بوتلوں کی تقسیم بھی روک دی ہے۔
سعودی پرچم‘ تنازع