ممبئی(شوبزڈیسک) فلم ساز بونی کپور نے اپنی شادی کی 22 ویں سالگرہ کے موقع پر انجہانی اداکارہ سری دیوی کے نام محبت بھرا ویڈیو پیغام جاری کیا ہے۔ چند ماہ قبل اپنے چاہنے والوں کو سوگوار چھوڑ کر دنیا فانی سے کوچ کرجانے والی بالی ووڈ کی آنجہانی اداکارہ سری دیوی کی موت بھارتی فلم انڈسٹری کے لیے یقینی طور پر ایک بڑا دھچکا تھا جس نے دنیا بھرمیں موجود ان کے مداحوں سمیت ساتھی فنکاروں کو افسردہ کردیا۔ اس سال بونی کپور نے شادی کی سالگرہ پر آنجہانی ادکارہ سری دیوی کی یاد میں ایک ویڈیو جاری کی۔میڈیا رپورٹس کے مطابق معروف فلم ساز بونی کپور نے اپنی اہلیہ و بالی ووڈ انجہانی ادکارہ سری دیوی کو 22 ویں شادی کی سالگرہ کے موقع پر سماجی رابطے کی ویب سائٹ ٹوئٹر پر سری دیوی کے ساتھ بیتائے لمحات کی ویڈیو پوسٹ کی اور ساتھ ہی محبت بھرا پیغام بھی دیا۔
