مجھے خوف تھا اب میں کبھی نہ گا سکوں گی

لاہور (ویب ڈیسک) معروف گلوکارہ شکیرا نے گلے کی پریشانی کی وجہ سے الڈوراڈو ٹور ملتوی کرنے کے سات ماہ بعد بالآخر گذشتہ ہفتے اٹلانٹا میں اپنا ایتھلیٹک کولھے کے رقص والا شو پیش کیا جو ان کے 20 سال زیادہ عرصے پر محیط ہٹ گیتوں کا مجموعہ تھا۔سات سال بعد یہ ان کا پہلا ٹور ہے کیونکہ انھوں نے سپین کے فٹبالر جیرارڈ پیک سے شادی کے بعد اپنی گھر بار بسانے کے لیے وقت نکالا تھا۔ ہیمبرگ میں ان کے ٹور کی افتتاحی شب کی فوٹیج میں 41 سالہ گلوکارہ مبہوت نظر آءں اور انھوں نے اپنے صحتیاب ہونے کا والہانہ اظہار کیا۔گذشتہ سال میری زندگی کے مشکل ترین سالوں میں سے ایک تھا۔ سٹیج پر واپس آنا میرے لیے بہت جذباتی تھا۔‘آئندہ ہفتے لندن کے اپنے ٹور سے پہلے کولمبیا کی سٹار نے وقت نکال کر بات کی۔انھوں نے بتایا کہ وہ دیر سے جاگی ہیں کیونکہ ان کے بچے ان کے ساتھ نہیں ہیں اور گذشتہ چھ سال میں وہ پہلی بار اتنا سوئی ہیں۔ایک سوال کے جواب میں انھوں نے بتایا کہ ان کا یہ ٹور ’ایسا لگتا ہے کہ پہلا ہے کیونکہ پہلے دوسرے قسم کا تجربہ تھا۔ اس وقت میں ذرا نرگسیت میں مبتلا تھی اور سوچتی تھی کہ یہ میرے لیے یہاں آئے ہیں مجھے اچھا نظر آنا اور گانا چاہیے۔