بر طانوی قا نون کے مطا بق لندن فلیٹس پاکستان کو نہیں مل سکتے ، ایسا ہو تو آدھا انگلینڈ خالی ہو جائے، وجا ہت علی خان کی پروگرام ضیا شاہد میں گفتگو

لاہور(چینل ۵ رپورٹ) لندن میں خبریں کے بیوروچیف وجاہت علی خان نے بتایا ہے کہ لندن میں نواز شریف خاندان کے فلیٹس کی ترقی کے بارے میں پاکستانی عدالت کے کسی فیصلے پر عملدرآمد ممکن نہیں۔ وہ پروگرام ”ضیا شاہد کے ساتھ“ میں ضیا شاہد کے سوالوں کے جواب دے رہے تھے۔ انہوں نے بتایا کہ یہ حکومتوں کے معاملات ہیں پاکستانی عدلیہ کے کسی فیصلے کی برطانیہ میں کوئی اہمیت نہیں۔ اگر اس طرح سے جائیدادیں قرق ہونے لگیں تو آدھے سے زیادہ برطانیہ خالی ہو جائے گا کیونکہ انگلینڈ میں روس، بھارت اور دیگر ممالک کے لوگوں کی ایسی بہت سی جائیدادیں ہیں۔ انہوں نے کہا پاکستان کی سپریم کورٹ بھی اس قسم کا فیصلہ کر کے برطانیہ سے عملدرآمد کیلئے کہے تو ایسا ممکن نہیں ہو گا۔ اس سے پہلے ہم الطاف حسین کا معاملہ دیکھ چکے ہیں۔ ان پر قتل اور منی لانڈرنگ کے الزامات تھے مگر ان کے بارے میں کوئی کارروائی نہیں ہوئی۔