سلام آباد(ویب ڈیسک)سپریم کورٹ نے وزارت خزانہ کی جانب سے بھاشا ڈیم کی تعمیر کے لیے بینک اکاو¿نٹ کھولنے کا نوٹس لے لیا۔چیف جسٹس نے اٹارنی جنرل کو اس معاملے پر وزیراعظم سے بات کرکے عدالت کو آگاہ کرنے کی ہدایت کردی اور کہا کہ لوگ ڈیم کے لیے پیسے لے کر گھوم رہے ہیں، کسی کو کمیشن کھانے دیں گے نہ ہی ایک دھیلے کی کرپشن ہونے دیں گے، عدالت پہرہ دے گی۔سپریم کورٹ میں ایک کیس کی سماعت کے دوران چیف جسٹس نے وزارت خزانہ کی جانب سے ڈیم کی تعمیر کے لیے بینک اکاو¿نٹ کھولنے کا نوٹس لے لیا۔چیف جسٹس نے ریمارکس دیے کہ اسٹیٹ بینک تاثر قائم کر رہا ہے کہ اکاو¿نٹ حکومت نے کھولا ہے جبکہ لوگ کہہ رہے ہیں حکومت کے اکاو¿نٹ میں پیسے جمع نہیں کرائیں گے۔انہوں نے کہا کہ اسٹیٹ بینک نے دیامر بھاشا ڈیم کی تعمیر کیلئے رجسٹرار سپریم کورٹ کے نام پر اکاو¿نٹ کھولنے میں تین دن لگادیے، لوگ ڈیم کے لیے پیسے لے کر گھوم رہے ہیں،ان کے ہاتھ چومنے چاہئیں۔چیف جسٹس نے کہا کہ سپریم کورٹ نے فنڈز قائم کیے ہیں کسی کو کمیشن کھانے دیں گے نہ ایک دھیلے کی کرپشن ہونے دیں گے، ڈیم کے لیے بنائے گئے اکاو¿نٹ کا آڈٹ ہوگا، خود پہرہ دیں گے۔عدالت نے اٹارنی جنرل کو ہدایت کی کہ وزات خزانہ کی طرف سے ڈیم کے نام پر بینک اکاو¿نٹ کھولنے کے معاملے پر وزیراعظم سے بات کرکےعدالت کوآگاہ کریں،عدالت نے سیکریٹری فنانس کو بھی منگل کو ذاتی حیثیت میں طلب کر لیا۔
بھاشا ڈیم کی تعمیر: کمیشن کھانے دیں گے نہ ایک دھیلے کی کرپشن ہونے دیں گے، چیف جسٹس
