لاہور(آئی این پی)پاکستان کرکٹ ٹیم ایشیا کپ اور اس کے بعد آسٹریلیا اور نیوزی لینڈ کیخلاف چیلجز سے نمٹنے کیلئے پہاڑی مقامات پر سخت ٹریننگ کرے گے پاکستان کرکٹ بورڈ انتظامیہ نے تربیتی کیمپ کے دوران کھلاڑیوں کوکسی پر فضا پہاڑی مقام پر سخت ٹریننگ کرانے کا فیصلہ کیا ہے۔ٹیم کے ہیڈ کوچ مکی آرتھر نے تھکا دینے والے شیڈول کو پیش نظر ہوئے کھلاڑیوں کو پہاڑی مقام پر کھلاڑیوں کو چار سے پانچ دن سخت اور مشکل ٹریننگ کروانا چاہتے ہیں ۔ دشوار گذار پہاڑی علاقوں میں کھلاڑیوں کو سخت ٹریننگ سے گذار کر ان کا فٹنس ٹیسٹ بھی لیا جائے گا۔ ایشیا کپ کے لئے گرین ٹیم کا تربیتی کیمپ28اگست سے شروع ہورہا ہے جبکہ ایشیا کپ 15سے28ستمبر تک متحدہ عرب امارات میں ہوگا۔ذرائعکے مطابق پا کستان کرکٹ بورڈ کا انٹر نیشنل ڈپارٹمنٹ کیمپ پہاڑی مقام پر لگانے کے لئے تیاریوں میں مصروف ہے۔ ماضی میں تر بیتی کیمپ پاکستان ملٹری اکیڈمی کاکول میں لگایا جاتا تھا جہاں پاکستان آرمی کے انسٹرکٹر کھلاڑیوں کی فٹنس پر کام کرتے تھے۔ اب پہاڑی مقام پر کیمپ لگا کر کھلاڑیوں کو سخت راستوں پر چڑھنے اور اترنے کی مشقیں کرائی جائیںگی۔ایشیا کپ کے بعد پاکستانی ٹیم کو آسٹریلیا، نیوزی لینڈ اور جنوبی افریقا کے خلاف سیریز کھیلنا ہے جس کے بعد ورلڈ کپ قریب آجائے گا۔ مکی آرتھر کا خیال ہے کہ مسلسل کرکٹ کے دوران وہی کھلاڑی ٹیم میں جگہ برقرار رکھ سکیں گے جو سپر فٹ ہوں۔ ایشیا کپ سے قبل کھلاڑیوں کے فٹنس ٹیسٹ بھی بے حد اہم ہے۔
