کراچی (آن لائن)اسد شفیق نے آئندہ ماہ یواے ای میں ہونیوالے ایشیاکپ میں جیت کیلئے پاکستان کو فیورٹ قرار دے دیا۔ایک انٹرویو میںسٹار بیٹسمین نے کہا کہ سکواڈکامورال بلندہے اورٹیم پرفارم کررہی ہے ،امیدہے ایشیاکپ میں بھی اسی جذبے کیساتھ میدان میں اتریں گے۔ دورہ زمبابوے میں سرفرازاحمد کی زیرقیادت پاکستان ٹیم نے شاندار کارکردگی کامظاہرہ کیا اورمیزبان ٹیم کے خلاف کلین سوئپ فتح حاصل کی جبکہ سہ فریقی ٹی ٹوئنٹی سیریز میں آسٹریلیا کو بھی زیر کرنے میں کامیاب ہوا اور ٹی ٹوئنٹی رینکنگ میں اپنی ٹاپ پوزیشن برقرار رکھی عمدہ پرفارمنس سے کھلاڑیوں کامورال بلند ہواہے۔ٹیم میں فتح کی بھوک بڑھ گئی ہے اور کارکردگی میں مسلسل بہتری آرہی ہے۔ ان سب عوامل کی بنیاد پر پاکستان ایشیاکپ میں کامیابی کیلئے فیورٹ ہوگا۔اسد شفیق نے بتایاکہ انگلی کے آپریشن کے بعد ان کی فٹنس بہترہورہی ہے۔چنددن میں پریکٹس شروع کردیں گے۔ابھی یہ علم نہیں کہ ایشیا کپ کےلیے ٹیم کونسے پلیئرز منتخب ہوں گے۔جوکھلاڑی بھی ٹیم میں شامل کئے گئے۔ وہ قومی ٹیم کی فتوحات کا تسلسل برقرار رکھیں گے۔اورٹائٹل حاصل کرنے کے لیے بھرپور محنت کریں گے۔انہوں نے کہاکہ ایک ڈیڑھ سال سے گرین شرٹس ٹیم مسلسل بہتری کی جانب گامزن ہے۔اسی ٹیم اسپرٹ کی بدولت مزیدکامیابیاں بھی ملیں گی۔
