بھارت میں ڈھابے پر جھاڑو پونچھا لگانے والی’’ کویتا ‘‘ ایشین گیمز میں شریک

جکارتہ(ویب ڈیسک)بھارت میں ڈھابے پر جھاڑو پونچھا لگانے والی کویتا ایشین گیمز میں شریک ہیں۔بھارت میں ڈھابے پر جھاڑو پونچھا لگانے والی کویتا ٹھاکر ایک بار پھر ایشین گیمز میں اپنی صلاحیتوں کے اظہار کے لئے بے چین ہیں۔ ہماچل پردیش کے علاقے منالی سے 6 کلومیٹر کے فاصلے پرواقع گاو¿ں میں ”کویتا“ کے والدین کا ایک ڈھابا ہے،کویتا وہیں پر رہتیں اور برتن دھونے کے ساتھ جھاڑو پونچھا لگاتی تھیں۔واضح رہے کہ 2007میں انھوں نے اپنے سکول میں کبڈی کھیلنا شروع کی اور 2009میں دھرم شالا میں سپورٹس اتھارٹیز کو جوائن کیا۔ 2014میں انھوں نے ایشین گیمز کے کبڈی ایونٹ میں اپنی ٹیم کو گولڈ میڈل جتوایا اور اب انڈونیشیا میں ٹائٹل کا دفاع کریں گی۔ کویتاکے والد اور والدہ دونوں اب بھی اسی ڈھابے پر چائے بسکٹ بیچتے ہیں، تاہم اب اچھے علاقے میں کرائے کے گھر میں رہنے لگے ہیں۔