ممبئی (ویب ڈیسک)بالی وڈ اداکار شاہدکپور کے سوشل میڈیا اکاﺅنٹس ہیک کرلیے گئے جس کے بعد ان کے اکاﺅنٹس سے ہیکرز نے نازیبا پوسٹس اور ٹوئٹس بھی کیں۔شاہد کپور ایک عرصے سے سوشل میڈیا پر کافی متحرک ہیں اور وہاں ذاتی زندگی اور فلمی مصروفیات سے مداحوں کو آگاہ رکھتے ہیں۔مبینہ طور پر ہیکرز کا تعلق ترکی سے تھا اور انہوں نے شاہد کپور کے آفیشل ٹوئٹر اور انسٹاگرام اکاﺅنٹس کو ہیک کیا۔بالی وڈ اداکار کے ٹوئٹر اکاﺅنٹ سے فلم پدماوت سے متعلق رومن ہندی میں ایک پیغام شیئر کیا گیا جس میں لکھا گیا کہ ‘علاﺅالدین خلجی ایسا انسان نہیں تھا جیسا اسے دکھایا گیا ہے۔’یاد رہے کہ ہدایت کار سنجے لیلا بھنسالی کی فلم ’پدماوت‘ میں دپیکا پڈوکون، شاہد کپور اور رنویر سنگھ نے مرکزی کردار کیے تھے اور فلم میں علاﺅ الدین خلجی کا منفی کردار دکھایا گیا تھا۔ہیکرز نے شاہد کپور کے ہی انسٹاگرام اکاو¿نٹ پر کترینہ کیف کی تصویر پوسٹ کی اور لکھا کہ ’ آئی لو یو کترینہ کیف‘۔بالی وڈ اداکار کے اکاﺅنٹس ہیک ہونے کے ایک گھنٹے بعد ہی ریکور کرلیے گئے لیکن اس دوران ہیکرز 20 سے زائد ٹوئٹس کرچکے تھے۔شاہد کپور نے بھی ٹوئٹ میں اکاﺅنٹ ہیک ہونے کی تصدیق کی اور کہا کہ ان کا اکاﺅنٹ ہیک ہو گیا تھا اس لیے گزشتہ 24 گھنٹے میں ان کے اکاﺅنٹ سے ہونے والی ٹوئٹس کو صرف نظر کیا جائے۔یاد رہے کہ شاہد کپور کے ہاں گزشتہ روز ہی بیٹے کی پیدائش ہوئی ہے۔
