اسلام آباد (مانیٹرنگ ڈیسک) سابق وزیر اعظم راجہ پرویز اشرف کی گاڑی کی ٹکر سے پولیس کانسٹیبل جاں بحق ہوگیا۔ پولیس حکام کے مطابق حادثہ زیرو پوائنٹ پر پیش آیا، راجہ پروز اشرف موقع پر گاڑی میں موجود نہ تھے، گاڑی انکا ڈرائیور عابد چلا رہا تھا۔ پولیس نے موقع پر ڈرائیور کو گرفتار کرکے گاڑی سمیت تھانے منتقل کردیا۔ گاڑی پر سرکاری نمبر پلیٹ لگی ہوئی تھی۔ حادثہ میں جاں بحق ہونیوالا کانسٹیبل ذیشان عباسی راولپنڈی پولیس میں ملازم تھا۔
