ممبئی(شوبزڈیسک )بالی ووڈ کی خوبصورت جوڑی دیپکا اور رنویر کی شادی کی تقریبات کاآغاز ہوگیا۔اسی سلسلے میں دیپکا پڈکون کے گھر ہندوﺅں کی مذہبی رسوم وروایات کے مطابق پوجا کا اہتمام کیاگیا ہے۔اس پوجا کا اہتمام دلہا اوردلہن دونوں کے گھر کیا جاتا ہے تاہم فی الحال یہ تقریب دیپکا پڈکون کے گھر منعقد کی گئی ہے۔دیپکا زرد رنگ کے لباس میں نہایت خوش اور خوبصورت نظر آرہی ہیںجس کی تصاویر سوشل میڈیا پر وائرل ہورہی ہیں۔دیپکا پڈکون کا لباس معروف بھارتی ڈیزائنر سبیاساچی نے ڈیزائن کیا ہے۔ واضح رہے کہ دیپکا پڈکون اور رنویر سنگھ کی اٹلی کے خوبصورت مقام ‘لیک کومو میں ہوگی۔جہاں صرف 30افراد شرکت کریں گے ۔
شادی 14نومبر کو ساﺅتھ انڈین روایات کے مطابق ہوگی اور پھر 15نومبر کو سندھی روایات کے مطابق تقریب ہوگی۔
بعد ازاں یکم دسمبر کو ممبئی میں دپیکا اور رنویر کی شادی کی استقبالیہ تقریب کا انعقاد کیا جائے گا جس میں بالی وڈ اسٹارز سمیت دیگر نامور شخصیات مدعو ہوں گے
