کراچی (شوبزڈیسک)فلم و ڈرامہ پروڈیوسر حسن ضیا نے فلم رانگ نمبر 2 بنانے کی تیاریاں مکمل کرلیں۔مذکورہ فلم کی شوٹنگ کیلئے اس بار حیدرآباد کا انتخاب کیا گیا ہے ، فلم کے پروڈیوسر شیخ امجد رشید اور حسن ضیا ہیں جو پہلی بار مشترکہ طورپر فلمسازی کررہے ہیں۔ فلم کے حوالے سے تفصیلات بتاتے ہوئے حسن ضیانے کہا شوٹنگ کا آغاز 6 نومبر سے حیدرآباد سے کیا جائیگا،یہ سپیل 10 روزہ ہوگا اس کے علاوہ فلم سکھر اور بہاولپور میں بھی شوٹ کی جائیگی۔ فلم کی کہانی اداکار دانش نواز نے لکھی ہے ، منظر نامہ و ہدایات یاسر نواز اور مکالمے احمد حسن کی ذمہ داریوں میں شامل ہیں۔فلم کی کاسٹ میں نیلم منیر، سمیع خان،جاوید شیخ، دانش نواز، یاسر نواز، محمود اسلم، احمد حسن، نوشین ابراہیم، اشرف خان ، شفقت چیمہ، عرفان کھوسٹ و دیگر شامل ہیں ، واضح رہے کہ حسن ضیا کے کریڈٹ پر کئی کامیاب ترین ڈرامہ سیریلز بھی ہیں۔
