لاہور( این این آئی) پاکستان پیپلز پارٹی کا 51واں یوم تاسیس آج ( جمعہ)30نومبر کو منایا جائے گا ۔اس دن کی مناسبت سے پیپلز پارٹی کے زیر اہتمام ملک بھر میں قریبات کا انعقاد کیا جائے گا جبکہ مرکزی تقریب سکھر میں منعقد ہو گی جہاں پر پارٹی چیئرمین بلاول بھٹو زرداری جلسہ عام سے خطاب کریں گے۔ بلاو ل بھٹو کے ترجمان سینیٹر مصطفی نواز کھوکھر کے مطابق بلاول بھٹو جلسے میں مستقبل کی سیاسی حکمت عملی دیں گے ۔ذرائع کے مطابق پیپلزپارٹی یوم تاسیس جلسے کے بعد حکومت کو ٹف ٹائم دینے کیلئے سرگرمیاں تیز کرے گی جبکہ بلاول بھٹو پنجاب میں بھی متحرک ہوں گے۔
