ممبئی (شوبزڈےسک) رنبیر کپور کی فلم ’سنجو‘، رنویر سنگھ اور دپیکا کی فلم ’پدماوت‘ کے علاوہ انڈسٹری کے تینوں خان رواں برس کوئی کامیاب فلم نہیں دے پائے۔میڈیا رپورٹ کے مطابق سلمان خان کی ’ریس تھری‘، عامر خان کی ’ٹھگز آف ہندوستان‘ اور اب شاہ رخ خان کی فلم ’زیرو‘ باکس آفس پر بالکل زیرو ثابت ہوئی ¾ان میں زیادہ تر فلموں نے 100 کروڑ سے زیادہ کا بزنس کیا کیونکہ ان تینوں کا نام ہی عوام کو تھیئٹر تک لانے کے لیے کافی ہوتا ہے۔اس کے برعکس ایو شمان کھرانہ کی فلم ’بدھائی ہو‘، راجکمار راو¿ اور شردھا کپور کی فلم ’ستری‘ اور اکشے کمار کی فلم ’پیڈمین‘ نے عوام کا دل جیت لیا۔یاد رہے کہ 100 کروڑ کلب، 200 کروڑ کلب، 300 کروڑ کلب یا 500 کروڑ کلب کی بات کی جائے تو یہ سب خانز نے ہی بولی وڈ میں متعارف کروائے ہیں۔سلمان خان کو بولی وڈ کا ’سلطان‘، شاہ رخ خان کو بولی وڈ کا ’بادشاہ‘ اور عامر خان کو بولی وڈ کے ’مسٹر پرفیکشنسٹ‘ کا نام اس ہی لیے دیا گیا، کہ ان تینوں اداکاروں نے ہندی سینما انڈسٹری کو بلندیوں پر پہنچا دیا تاہم رواں سال ان تینوں اداکاروں کےلئے ناکام ثابت ہوا، جس کے بعد ایسی آوازیں بھی سامنے آئیں کہ بولی وڈ کے تینوں خانز کا دور اب اپنے اختتام پر ہے۔رپورٹ کے مطابق رنویر سنگھ، دپیکا پڈوکون کی فلم پدماوت، رنبیر کپور کی فلم سنجو، عالیہ بھٹ کی فلم راضی، راج کمار راو¿ اور شردہا کپور کی فلم استری اور آیوشمان کھرانہ کی فلمیں اندھادھن، اور بدھائی ہو، بولی وڈ کے تینوں خانز کی فلموں سے آگے رہیں اور باکس آفس پر ہٹ ثابت ہوئیں۔
2018:بالی وڈ انڈسٹری کے تینوں خان رواں برس کوئی کامیاب فلم نہیں دے پائے
