اسلام آباد (ویب ڈیسک) چیئرمین نیب جسٹس (ر) جاوید اقبال نے نیب افسران کے بیرون ملک نجی سفر پر پابندی عائد کردی۔نیب کی جانب سے جاری اعلامیے میں کہا گیا ہے کہ چیئرمین نیب جسٹس (ر) جاوید اقبال نے نیب افسران کے بیرون ملک نجی سفر پر پابندی لگادی ہے اور اس پابندی کا اطلاق نیب کے تمام افسران پر ہوگا۔ نیب افسران کے مجاز اتھارٹی کی اجازت کے بغیر بیرون ملک سفر اور ٹکٹس ریزرویشن بھی روک دی گئی ہے۔ اعلامیے میں واضح کیا گیا ہے کہ عمرہ پر جانے والوں پر اس پابندی کا اطلاق نہیں ہوگا۔
