لاہور(آئی این پی)پاکستان کرکٹ ٹیم کے آل راونڈر محمد حفیظ نے کہا ہے کہ ورلڈ کپ 2019 کے اسکواڈ کا حصہ بننا میرے لئے اعزاز کی بات ہے۔سماجی رابطے کے ویب سائٹ ٹوئٹر پر پیغام میں محمد حفیظ کا کہنا ہے کہ وہ اپنا سب سے بہترین ورلڈ کپ کھیلنے کے منتظر ہیں، انشااللہ۔انہوں نے نیک خواہشات کا اظہار کرنے پر سب کا شکریہ ادا کیا ہے۔پاکستان نے جمعرات کو کرکٹ ورلڈ کپ 2019 کے لئے اسکواڈ کا اعلان کیا ہے۔15رکنی اسکواڈ میں سرفراز احمد (کپتان)، فخرزمان، امام الحق، عابد علی، بابراعظم، شعیب ملک، محمد حفیظ، حارث سہیل، جنید خان، شاداب خان، عماد وسیم، شاہین شاہ آفریدی، حسن علی، فہیم اشرف اور محمد حسنین شامل ہیں۔
