اسلام آباد (نامہ نگار خصوصی)ن لیگ کے مرکزی رہنما پرویز رشید نے کہا ہے سی پی این ای کے نومنتخب عہدیداروں کی ٹیم پاکستان کے ذمہ دار صحافیوں پر مشتمل ٹیم ہے جس نے ماضی میں جمہوریت کے فروغ اور آزادی صحافت کے لئے بھرپور کام کیا ہے اور مجھے پوری امید ہے کہ پوری منتخب ٹیم ایک بار پھر نئے عزم سے نئے دور کے تقاضوں اور چیلنجز کے مطابق صحافت اور میڈیا کو درپیش مسائل سے نبردآزما ہو گی۔ اور جہاں کہیں حکومت اور اپوزیشن کو ان کی رہنمائی کی ضرورت ہو گی اپنا مثبت کردار ادا کرے گی اور غیر جانبدارانہ صحافت کے فروغ میں کوئی کسر اٹھا نہیں رکھے گی۔ انہوں نے اپنے پیغام میں صدر عارف نظامی، سینئر نائب صدر امتنان شاہد اوردیگرکے لئے نیک تمناﺅں کا اظہار کیا اور ان کی صحافتی خدمات کو سراہا۔
