بولی وڈ (ویب ڈیسک) بولی وڈ ہدایت کار انوراگ کشیپ نے بیٹی کو سوشل میڈیا پر ریپ کی دھمکی دیے جانا کا مقدمہ درج کروا دیا۔بھارتی میڈیا رپورٹس کے مطابق انوراگ کشیپ کی بیٹی عالیہ کشیپ کو ان کے انسٹاگرام اکاﺅنٹ پر شیئر کردہ ایک تصویر میں چوکیدار رام سانگھی نامی صارف نے ریپ کی دھمکی دی تھی۔جس کے بعد انوراگ کشیپ نے اس کمنٹ کا اسکرین شاٹ اپنے ٹوئٹر اکاﺅنٹ پر شیئر کردیا۔انوراگ کشیپ کے مطابق جوکیدار رام نامی یہ صارف بھارتی وزیر اعظم نریندر مودی کا سپورٹر ہے، جو ان کی بیٹی کو ریپ کی دھمکیاں اس لیے دے رہا ہے کہ کیوں کہ انوراگ نریندر مودی کے حامی نہیں۔بولی وڈ ہدایت کار نے چند روز قبل اپنی ٹویٹ میں یہ اسکرین شاٹ شیئر کرتے ہوئے نریند مودی کو بھارتی انتخابات میں جیت کی مبارکباد دیتے ہوئے لکھا کہ ‘نریندر مودی آپ کو جیت کی مبارکباد، لیکن برائے مہربانی ہمیں یہ بھی بتادیں کہ ہم آپ کے اس قسم کے حامیوں سے کیسے نمٹیں جو آپ کی جیت کا جشن میری بیٹی کو دھمکیاں دے کر منا رہے ہیں، جس کی واحد وجہ یہ ہے کہ میں آپ کا حامی نہیں ہوں’۔
