ایشین گیمز 2026 کے مینز والی بال کوارٹر فائنل میں پاکستان نے روایتی حریف بھارت کو 3-0 سے شکست دے کر سیمی فائنل میں جگہ بنا لی۔ پاکستان نے تینوں سیٹس 25-19، 25-23 اور 25-18 سے اپنے نام کیے۔اوکازاکی چو سوگو پارک جمنازیم میں کھیلے گئے میچ میں پاکستان نے آغاز ہی سے جارحانہ کھیل پیش کیا اور پہلا سیٹ 25-19 سے جیت لیا۔ دوسرے سیٹ میں بھارت نے سخت مزاحمت کرتے ہوئے 16-13 کی برتری حاصل کی، تاہم پاکستان نے شاندار کم بیک کرتے ہوئے سیٹ 25-23 سے اپنے نام کرلیا۔
