DGFIA ڈاکٹر عثمان انور ریکارڈ سمیت طلب

لاہور(کورٹ رپورٹر) چیف جسٹس لاہور ہائیکورٹ عالیہ نیلم نے این سی سی آئی اے بننے کے بعد تعینات تمام ڈائریکٹرز کیخلاف توہین عدالت کی کارروائی شروع کرنے کا عندیہ دے دیا، عدالت نے ڈی جی ایف آئی اے کو تمام ڈائریکٹرز کی تعیناتیوں اور زیر التواء انکوائریوں کے ریکارڈ سمیت 5 اکتوبر کو طلب کرلیا، عدالت نے ڈی جی ایف آئی اے ڈاکٹر عثمان انور سے استفسار کیا کہ 2024ء میں تیس دنوں میں درخواست میں فیصلہ کرنے کا حکم دیا تھا، ڈی جی ایف آئی نے موقف اپنایا کہ سال 2024ء میں درخواست آئی جس کے بعد این سی سی آئی اے الگ ادارہ بن گیا ، ہم نے ڈیٹا کمپیوٹرائزڈ کردیا ہے، زیر التواء درخواستوں پر کام تیزی سے کررہے ہیں، این سی سی آئی اے بن گیا مگر انکے پاس عمارت نہیں تھی اب علی ناصر رضوی نئے ڈی جی آئے ہیں، ابھی بھی ایف آئی اے کے 41 افسران این سی سی آئی اے میں کام کر رہے ہیں، عدالت نے استفسار کیا کہ آپ مجھے تاریخ بتائیں کب این سی سی آئی اے معرض وجود میں آیا؟ ہم تاریخ دیکھ لیتے ہیں اس کے بعد تیس دنوں کا حساب لگا کر توہین عدالت کی کاروائی شروع کردیتے ہیں، عدالت نے ریمارکس دئیے کہ انکی ذمہ داری نہیں تھی وہ ڈائریکٹر عدالتی احکامات پر عمل کرتے ڈی جی ایف آئی اے آگا ہ کیا کہ مدعی ٹھیک نہیں ہے، جیسے ہی وہ آتا ہے تو اسکو سن لیتے ہیں، عدالت نے ریمارکس دیئے کہ آپ مدعی مینج کرلینا اور درخواست عدالت سے واپس کروا لینا، ڈی جی نے کہا مائی لارڈ ایسا نہیں ہوگا آپکے احکامات پر عمل ہوگا، عدالت نے ڈی جی ایف آئی اے سے مکالمہ کرتے ہوئے کہا کہ آپ آجاتے ہیں تو آپ کے افسر عدالتوں میں پیش نہیں ہوتے۔