گورنرراج یاایمرجنسی کی باتیںمحض افواہیں، صدر مملکت قائل ہوئے تو فیصلہ کرینگے، سیکرٹری جنرل پیپلزپارٹی

لاہور (این این آئی) پاکستان پیپلز پارٹی کے مرکزی سیکرٹری جنرل ہمایوں خان نے خیبر پختو نخواہ میں گورنر راج یا ایمرجنسی کے نفاذ کی خبروں کو افواہ قرار دیتے ہوئے واضح کیا ہے کہ صدر مملکت قائل ہوئے تو کوئی آئینی فیصلہ کریں گے، تاہم یہ بات بھی درست ہے کہ پی ٹی آئی نے 14 برسوں میں صوبے میں انتشار کے سوا کچھ نہیں کیا۔ ایک انٹرویو میں انہوں نے کہا کہ پاکستان پیپلز پارٹی نے ہمیشہ آئین اور جمہوریت کی بالادستی پر یقین رکھا ہے۔ خیبر پختونخواہ میں قائم پاکستان تحریک انصاف کی حکومت نے گزشتہ 13، 14 سالوں کے دوران عوامی فلاح و بہبود اور امن و امان کے قیام کے لیے صفر کام کیا ہے اور ان کی پوری سیاست محض دھرنوں اور تصادم کے گرد گھومتی رہی ہے۔