برمنگھم: (ویب ڈیسک)بنگلہ دیش سیمی فائنل کی دوڑ میں شامل رہنے کیلیے آخری کوشش آج بھارت کیخلاف میچ میں کرے گا۔کھیل برمنگھم میں دوپہر2:30 پر شروع ہوگا اور ٹاس کا سکہ 30 منٹ پہلے اچھالا جائے گا۔ورلڈکپ 2019 کا 40 واں میچ بھارت اور بنگلہ دیش دونوں کے لیے یکساں اہمیت کا حامل ہے کیوں کہ ان میں سے کوئی ٹیم ابھی تک سیمی فائنل میں جگہ نہیں بنا پائی۔بھارت نے انگلیڈ کے خلاف میچ ہار کر نادر موقع گنوا دیا ہے اور مزید ایک بھی ناکامی اس ٹیم کو سیمی فائنل کی دوڑ سے باہر کر سکتی ہے۔آج کے مقابلے میں شریک دونوں ٹیموں نے اب تک سات سات میچز کھیلے ہیں جن میں سے بھارت نے پانچ جیت کر 11 نمبر حاصل کیے ہیں۔کوہلی ایلیون پوائنٹس ٹیبل پر دوسرے نمبر کی ٹیم ہے اور اس کے دو مقابلے ابھی باقی ہیں۔عالمی کپ کے 40 ویں میچ کی دوسری ٹیم بنگلہ دیش ہے جسے اب تک تین میچز میں شکست اور تین میں فتح نصیب ہوئی جب کہ ایک مقابلہ بارش کی وجہ سے برابر رہا۔بنگلہ دیش نے سات میچ کھیل کر سات پوائنٹس حاصل کیے اور ٹیبل پر اس کی پوزیشن بھی ساتویں ہے۔ اپنے بقیہ دو میچز جیت کر یہ ٹیم سیمی فائنل یا کم سے کم پانچویں نمبر تک آسکتی ہے۔یہ میچ دونوں ٹیمیوں کے لیے ایک جیسی اہمیت رکھتا ہے لیکن دیکھنا یہ ہے کہ کون اپنے حریف کی کمزوریوں سے زیادہ فائدہ اٹھاتا ہے۔
