سرگودھا (محمد کامران ملک سے )اسسٹنٹ کمشنر کا کارنامہ ،نجی ہا?سنگ سکیم رائل آرچرڈ انتظامیہ کے خلاف سرکاری کھال اور معینان رقبہ پر قبضہ کرنے کی کاروائی کرنے کی بجائے حقائق پر مبنی رپورٹ کرنے والے پٹواری کےخلاف انکوائری ہولڈکر دی ،انکوائری آفیسر کے سامنے پٹواری کو تحریری جواب سات دن میں جمع کروانے کا وقت مقرر بصورت دیگر قصوروار ٹھہرائے جانے کی نوید ،جونیئرکلرک کو انکوائری آفیسر کا معاون مقرر،انکوائری آفیسر کو 60دن میںرپورٹ مکمل کرکے پیش کرنے کا حکم تفصیلات کے مطابق اسسٹنٹ کمشنر تحصیل سرگودھا عظیم شوکت اعوان کے حکم پر پٹواری حلقہ 42شمالی ارشد عباس نے رائل آرچرڈ انتظامیہ کے خلاف رپورٹ کی کہ سرکاری واٹر کورس (کھال ) کے 8کنال 15مرلے اور معینان رقبہ کا سوا ستاسٹھ کنال پر قبضہ کر رکھا ہے جو کہ نہ تو فروخت ہو سکتے ہیں اور نہ ہی تبدیل ہو سکتے ہیں جس پر اسسٹنٹ کمشنر نے رائل آرچرڈ انتظامیہ کے خلاف کاروائی کرنے کی بجائے ارشد عباس پٹواری کے خلاف انکوائری ہولڈکر دی اور رانا غلام مصطفی کو انکوائری آفیسر مقرر کر دیا جبکہ جونیئر کلرک وسیم خان کو انکوائری آفیسر کامعاون مقررکر دیا اس سارے واقعہ میں دلچسپ عمل یہ ہے کہ انکوائری رپورٹ میں اسسٹنٹ کمشنر نے جو مربع نمبر اور کلہ نمبر ران کا ذکر کیا گیا ہے وہ معینان رقبہ کے ہیں جبکہ اسسٹنٹ کمشنر نے وہ رقبہ واٹر کورس کا تحریر کیاہے اورمزیدلکھاہے کہ واٹر کورس (کھال )موقع پر جاری پوزیشن میں ہے جبکہ رائل آرچرڈ انتظامیہ نے نہ صرف واٹر کورس کو اپنی سوسائٹی میں شامل کر رکھا ہے بلکہ اسے مکمل طو ر بند کر کے اس پر سڑکیں بنا لی ہیں جبکہ معینا ن رقبہ بھی انہوں نے اپنی چاردیواری میں شامل کر رکھا ہے ڈپٹی کمشنر ،وزیر اعلی پنجاب اور وزیر اعظم پاکستان سے فی الفور نوٹس لیتے ہوئے سرکاری واٹر کورس اور معینان رقبہ واگزار کروانے اور اسسٹنٹ کمشنر کے خلاف کاروائی کا مطالبہ کیا ہے۔
