لاہور :لاہور ایئر پورٹ پر کراچی جانے والی پرواز سے اڑان بھرتے ہی پرندہ ٹکرا گیا تاہم جہاز کو واپس اتار لیا گیا ۔تفصیلات کے مطابق لاہور ایئر پورٹ سے نجی ایئر لائن ” ایئر بلیو “ کی پرواز پی کے 401 نے رن وے پر دوڑنے کے بعد ابھی پرواز بھری ہی تھی کہ ا سے پرندہ ٹکرا گیا اور پائلٹ نے فوری طور پر جہاز کو ایئر پورٹ پر واپس اتار دیا ۔ جس کے بعد اب ایئر پورٹ پر انجینئرنگ عملے کی جانب سے جہاز کا معائنہ کیا جارہاہے اور نقصان کا اندازہ لگا یا جارہاہے ۔