لاہور (مانیٹرنگ ڈیسک) خبریں اور چینل ۵ کے زیر اہتمام 23 نومبر کو ہونے والا فیملی فیسٹا پورے لاہور کو اپنے حصار میں لے چکا ہے۔ خواتین بچوں میں فی ایسٹا کے حوالہ سے بے حد جوش و خروش پایا جا رہا ہے۔ خبریں، چینل ۵ یہ فیسٹا رائل پام گالف اینڈ کنٹری کلب میں منعقد ہونے والا ہے جس میں پاکستان بھر سے آئےہوئے لوگوں کو ایک ہی چھت کے نیچے بہترین تفریح اور شاپنگ کے ساتھ بہترین لاہوری کھابوں سے لطف اندوز ہونے کا موقع ملے گا جس میں جیولری، لائف سٹائل کے ساتھ گھریلو استعمال کی اشیا کے سٹالز بھی لگائے جا رہے ہیں۔ فی ایسٹا میں جہاں کیمپنگ زونز بھی متوقع ہیں جہاں بچے بھی ہلا گلا کر پائیں گے۔ جبکہ اداکارہ ریشم ہونے والے کنسرٹ کی میزبانی کریں گی دورے روز ہونے والے فیشن شو اور میوزیکل کنسرٹ میں ساحر علی بگا اور آئمہ بیگ اپنی آواز کا جادو جگائیں گی۔ لاہور کے شہریوں کا کہنا ہے کہ روزنامہ خبریں نے ہمیشہ کی طرح ایک بار پھر عوام کو تفریح کا بہترین موقع فراہم کرنے کا اہتمام کیا ہے۔ ایم ایم عالم روڈ، کینال روڈ پر فیملی فیسٹا کے پرومو بھی لگا دیئے گئے۔
