لاہور(مانیٹرنگ ڈیسک)خبریں گروپ ، چینل فائیو کے فیملی فیسٹا میں صرف 2روز باقی رہ گئے ۔ لاہور کے رائل پام گالف اینڈ کنٹری کلب میں مہمانوں کے استقبال کی تیاریاں شروع ہوگئیں۔ بچے ، بڑے سب ہی شدت سے 22اور 23نومبر کے منتظر ہیں۔ فیشن شو، جیولری، کڈز گیمسٹک ون اور میوزک کنسرٹ ایک ہی چھت تلے ہوں گے۔ فیملی فیسٹا میں آنیوالے لاہوری کھابوں سے بھی لطف اندوز ہوں گے۔ خبریں گروپ چینل فائیو کے فیملی فیسٹا میں اپنی پرفارمنس کا رنگ جمانے کے لیے آنیوالی گلوکارہ آئمہ بیگ نے اپنے مداحوں کے نام خصوصی پیغام میں کہا ہے کہ خبریں گروپ چینل فائیو کے فیملی فیسٹا میں شرکت کے لیے لاہور آرہی ہوں۔ آپ سب بھی شرکت کے لیے پہنچیں۔ نامور گلوکار ساحر علی بگا نے اپنے مداحوں کے نام پیغام میں کہا ہے کہ چینل فائیو و خبریں گروپ کا فیملی فیسٹا ایک بہترین ایونٹ ہے۔ میں بھی اس میں پرفارم کروں گا۔ شدت سے 22اور 23نومبر کا منتظر ہوں تاکہ آپکے سامنے رائل پام میں پرفارمنس پیش کر سکوں۔آپ سب بھی اس خوبصورت ایونٹ میں شرکت کریں اور لطف اندوز ہوں۔ فلم اسٹار ریشم نے اپنے مداحوں کے نام پیغام میں کہا ہے کہ آپ لوگوں سے میری ملاقات خبریں و چینل فائیو کے فیملی فیسٹا میں ہوگی ۔ جو کہ 22اور 23نومبر کو رائل پام میں ہونے جارہا ہے اور آپ لوگوں نے یہ فیسٹیول مس نہیں کرنا۔ خبریں گروپ کا فیملی فیسٹا ایک بہترین ایونٹ ہے۔ عوام ایونٹ میں شرکت کریں اور بہترین لمحات انجوائے کریں۔ میں بھی فیسٹا میں شرکت کے لیے شدت سے 22اور 23نومبر کی منتظر ہوں۔
