Yearly Archives: 2019

شوبز

پاکستان میں پرفارمنس، سلمان خان نے میکا سنگھ کے ساتھ امریکی کنسرٹ منسوخ کردیا

ممبئی(ویب ڈیسک) پاکستان میں گلوکاری کی پرفارمنس کے بعد بالی ووڈ کے سلطان سلمان خان نے بھی ہندو انتہا پسندوں کے نقش قدم پر چلتے ہوئے میکا سنگھ کے ساتھ امریکا میں ہونے والا کنسرٹ منسوخ کردیا۔کشمیر میں جاری بھارتی جارحیت اور ظلم کے خلاف جہاں ساری دنیا مذمت کر رہی ہے وہیں مودی سرکار کی تشدد پسندانہ حکمت عملی کے خلاف بالی ووڈ فنکار بھی خاموش تماشائی بنے ہوئے ہیں۔ بھارتی فلم انڈسٹری کے کنگ سمجھے جانے والے اداکار شاہ رخ خان کی پاکستان اور مسلم مخالف فلم بنائے جانے کے بعد اب سلمان خان بھی انتہا پسندانہ سوچ کے ساتھ میدان میں آگئے۔ہر سال کی طرح سلمان خان کا رواں سال امریکا کے مختلف شہروں میں 25 اگست سے دورہ طے تھا جہاں ان کے ساتھ میکا سنگھ کو بھی پرفارم کرنا تھا لیکن سلمان خان نے پاکستان میں پرفارمنس کی وجہ سے میکا سنگھ کے ساتھ ہونے والا ایونٹ منسوخ کردیا۔دوسری جانب فیڈریشن آف ویسٹرن انڈیا سینما ایمپلائز (ایف ڈبلیو آئی سی ای) نامی تنظیم نے میکا سنگھ پر بھارت بھر میں پابند عائد کردی تھی اور اس تنظیم نے سلمان خان کے امریکی ایونٹ کے تناظر یہ بھی کہا تھا کہ اگر کوئی فنکار میکا سنگھ کے ساتھ کام کرے گا تو اسے بھی پابندی کا سامنا کرنا پڑے گا۔سلمان خان کے قریبی ذرائع نے ایونٹ کی منسوخی کی تصدیق کرتے ہوئے کہا کہ سلمان خان کے لیے ضروری ہوگیا ہے کہ وہ میکا سنگھ سے اپنا فاصلہ بر قرار رکھیں کیوں کہ انہوں نے دونوں ملکوں کے درمیان جاری کشیدہ صورتحال کے باوجود پاکستان میں جا کر پرفارم کیا تھا۔

دلچسپ و عجیب

دس سینٹ کا نایاب سکّہ 21 کروڑ روپے میں نیلام

شکاگو(ویب ڈیسک) کہتے ہیں کہ شوق کا کوئی مول نہیں۔ اس کہاوت کو گزشتہ دنوں ایک کینیڈین تاجر نے کچھ یوں درست ثابت کیا کہ ایک ”ڈائم“ یعنی دس سینٹ مالیت کا ایک نایاب سکّہ 13 لاکھ 20 ہزار ڈالر میں خرید لیا۔ پاکستانی روپوں میں یہ رقم تقریباً 21 کروڑ روپے بنتی ہے۔خبروں کے مطابق، 1894 میں سان فرانسسکو کی سرکاری ٹکسال میں 10 سینٹ مالیت کے صرف 24 سکّے ڈھالے گئے تھے جن میں سے اس وقت صرف 9 سکّے ہی باقی رہ گئے ہیں۔ ان ہی میں سے ایک نایاب سکّہ گزشتہ ہفتے شکاگو میں نیلام ہوا جسے یوٹاہ، کینیڈا کے ایک تاجر ڈیل لوئے ہینسن نے 13 لاکھ 20 ہزار ڈالر میں خریدا۔ یہ سکّہ مشہور باسکٹ بال ٹیم ”لاس اینجلس لیکرز“ کے سابقہ مالک جیری بس کے خاندان کی ملکیت تھا۔اسی نیلامی میں سب سے زیادہ قیمت پر نیلام ہونے والا دوسرا نایاب سکّہ 20 سینٹ مالیت کا تھا جو 4 لاکھ 56 ہزار ڈالر (7 کروڑ 17 لاکھ روپے) میں نیلام ہوا۔ اسے 1876 میں کارسن سٹی، نیواڈا کی سرکاری ٹکسال میں ڈھالا گیا تھا۔ ویسے تو 20 سینٹ مالیت کے یہ سکّے 10 ہزار کی تعداد میں ڈھالے گئے تھے لیکن امریکی حکومت نے جلد ہی انہیں تلف کرنے کا حکم دیا جس کے بعد ان تمام سکّوں کو واپس بھٹی میں ڈال کر پگھلا دیا گیا۔ البتہ، ان میں سے 20 سکّے بچ گئے جو اِس وقت خاصے مہنگے داموں میں نیلام ہورہے ہیں۔واضح رہے کہ 1894 میں ڈھالا گیا، 10 سینٹ کا ایسا ہی ایک اور سکّہ 2016 میں اس سے بھی زیادہ قیمت پر، یعنی 17 لاکھ ڈالر (تقریباً 18 کروڑ پاکستانی روپے) میں فروخت ہوا تھا۔

شوبز

دبئی میں راحت فتح علی خان کے میگا کنسرٹ کی تیاریاں شروع

دبئی (ویب ڈیسک) عالمی شہرت یافتہ گائیک استاد راحت فتح علی خان کے متحدہ عرب امارات میں میوزک کنسرٹ کی تیاریاں شروع ہوگئی ہیں۔استاد راحت فتح علی خان کے پروڈیوسر، بزنس ڈائریکٹرز اور پی ایم ای کے سی ای او سلمان احمد نے ورلڈ ٹور کی تفصیلات بتاتے ہوئے کہا کہ 27 دسمبر رواں سال کا سب سے بڑا شو ثابت ہوگا۔راحت فتح علی خان موسیقی کے میدان میں نت نئے تجربات کرتے رہتے ہیں، انھوں نے 2019کے عالمی ٹور کا آغاز متحدہ عرب امارات سے کیا تھا اور اب انھوں نے 27 دسمبر کو دبئی میں میگا ایونٹ کا اعلان کیا ہے۔ اس میگا ایونٹ میں 20ہزار موسیقی کے دلدادہ شرکت کرسکیں گے۔

بزنس, پاکستان

پٹرولیم مصنوعات کی قیمتوں میں 19 روپے 32 پیسے فی لٹر کمی ہونی چاہئیے۔ عالمی مارکیٹ

اسلام آباد (ویب ڈیسک) عالمی منڈی میں پٹرولیم مصنوعات کی قیمتوں میں کمی کے بعد آئندہ ماہ پاکستان میں پٹرول کی قیمتیں کم ہونے کا امکان ہے۔اسی حوالے سے میڈیا رپورٹس میں بتایا گیا ہے کہ خام تیل کی قیمت رواں سال کی کم ترین سطح پر آگئی،گذشتہ 4 ماہ کے دوران خام تیل کی قیمتوں میں 16 ڈالر فی بیرل کی کمی ہوئی۔عالمی مارکیٹ کے مطابق 19 روپے 32 پیسے فی لٹر کمی ہونی چاہئیے۔عالمی مارکیٹ کی کمی اور مقامی ٹیکسز شامل کر کے پٹرول کی قیمت 98روپے 68پیسے بنتی ہے۔میڈیا رپورٹس میں مزید بتایا گیا ہے کہ اوگرا نے اب تک جو وورکنگ کی ہے اس کے مطابق پٹرولیم مصنوعات کی قیمتوں میں 8روپے فی لیٹرکمی کا امکان ظاہر کیا جا رہا ہے۔کہا جا رہا ہے کہ پٹرول کی قیمت میں 6روپے جب کہ ڈیزل کی قیمت میں 8روپے فی لیٹر تک کمی کی جا سکتی ہے۔اس سلسلے میں 28 اگست کو سمری بھجوائی جائے گی۔جس کے بعد وزارت خزانہ وزیراعظم کی ہدایت پر نئی قیمتوں کا اعلان کرے گا۔اگرچہ پٹرولیم مصنوعات کی قیمتوں میں 19روپے کی کمی ہونی چاہئیے تاہم حکومت عوام کو صرف 8روپے کا ہی ریلیف دے گی۔واضح رہے مشیر خزانہ حفیظ شیخ نے پاکستانی عوام کو خوشخبری سنائی تھی۔ مشیر خزانہ کی جانب سے اعلان کیا گیا تھا کہ یکم ستمبر سے پاکستان میں پیٹرولیم مصنوعات کی قیمتوں کی مد میں کمی کیے جانے کا امکان ہے۔مشیر خزانہ حفیظ شیخ کا کہنا ہے کہ عالمی مارکیٹ میں خام تیل کی قیمتوں میں کمی کا رجحان دیکھا جا رہا ہے۔ حکومت کی کوشش ہے کہ عالمی مارکیٹ میں خام تیل کی قیمتوں میں جو کمی ہو رہی ہے کا اس کا فائدہ عوام کو پہنچایا جائے۔ اسی لیے اگلے ماہ پیٹرولیم مصنوعات کی قیمتوں میں کمی کی جا سکتی ہے۔ مشیر خزانہ کہتے ہیں کہ ہم نے 262 ارب روپے سبسڈی کی مد میں رکھے ہیں۔

شوبز

مہوش حیات نے ٹام کروز کو اپنا پہلا پیار قرار دے دیا

اسلام آباد (ویب ڈیسک) اداکارہ مہوش حیات نے ہالی وڈ اداکار ٹام کروز کو اپنا پہلا پیار قرار دے دیا۔ نجی ٹی وی پر انٹرویو کے دوران مہوش حیات نے انکشاف کیا ہے کہ وہ نہ صرف ٹام کروز کی مداح ہیں بلکہ وہ ان کا پہلا پیار بھی ہیں ان کو زندگی میں کبھی ان کے ساتھ کام کرنے کی پیشکش ہوئی تو وہ فوراً اس پیشکش کو قبول کریں گی۔شادی کے سوال پر ان کا کہنا تھا کہ وہ ایسے شخص سے شادی کرنے کی خواہش مند نہیں ہیں جو ان سے ان کے سٹارڈم کی وجہ سے شادی کرنا چاہے۔ انہوں نے بتایا کہ پیسہ کبھی بھی ان کی کمزوری نہیں رہا اور نہ ہی وہ اسے اپنی زندگی میں فوقیت دیتی ہیں۔

انٹر نیشنل

بھارتی وزیراعظم نریندر مودی سے ملاقات میں ٹرمپ کاچٹکلہ

بیارٹز (ویب ڈیسک) فرانس کے شہر بیارٹز میں جی سیون کانفرنس کے دوران امریکی صدر ٹرمپ اور بھارتی وزیراعظم مودی کے درمیان سائیڈلائن پر ملاقات ہوئی۔کشمیر کے معاملے پر 5 اگست کو اٹھائے جانے والے بھارتی اقدام کیخلاف کشمیری سخت ترین لاک ڈاﺅن کے باوجود سراپا احتجاج ہیں جبکہ پاکستان بھی اس صورتحال میں کشمیریوں کے ساتھ کھڑا ہے۔پاکستان نے اقوام متحدہ سمیت ہر عالمی فورم پر کشمیر کا معاملہ اٹھایا، امریکی صدر سمیت دنیا کے دیگر ممالک کے سربراہان سے بات کی اور کشمیر کی موجودہ صورتحال سے آگاہ کیا۔پاکستان نے بھارتی وزیراعظم نریندر مودی کو انتہاپسند قرار دیا جبکہ وزیراعظم عمران خان نے قوم سے اپنے خطاب میں کہا کہ مودی نے تکبر میں بڑی غلطی کردی جس سے کشمیریوں کو آزادی کا تاریخی موقع مل گیا۔وزیراعظم نے یہ بھی کہا کہ بھارت نے 5 اگست کو یہ پیغام دیا کہ ہندوستان صرف ہندوﺅں کا ہے، راشٹریہ سویم سیوک سنگھ (آر ایس ایس) بھارتیہ جنتا پارٹی (بی جے پی) کا نظریاتی ونگ ہے، مودی بھی اس کے رکن رہے ہیں، ان کی پالیسی آر ایس ایس کے نظریے کے مطابق ہے جس کا نظریہ ہندوستان صرف ہندوﺅں کا ہے، اس نظریے میں مسلمانوں سے نفرت تھی۔پاکستان کے مسلسل آواز اٹھانے کے باوجود ایسا محسوس ہوتا ہے کہ عالمی برادری کے کانوں میں جوں نہیں رینگ رہی، یہاں تک کہ مسلم ممالک کی بھی اس مسئلے میں خاطر خواہ دلچسپی نظر نہیں آرہی جس کا اعتراف وزیراعظم عمران خان نے اپنے خطاب میں یہ کہہ کر کیا ؛ ‘ دیگر اسلامی ممالک کے کردار پر کہا کہ قوم کو مایوس ہونے کی ضرورت نہیں ہے، مسلمان حکومتیں تجارت کی وجہ سے ابھی ساتھ نہیں دے رہی ہیں تو آگے ہمارا ساتھ دیں گی۔’نریندر مودی نے جی سیون اجلاس کیلئے فرانس جانے سے قبل متحدہ عرب امارات، بحرین سمیت دیگر ممالک کے دورے کیے۔ کشمیر کے معاملے پر مودی سے بات کرنا تو درکنار، متحدہ عرب امارات اور بحرین نے بھارتی وزیراعظم کو اعلیٰ ترین سول ایوارڈز سے نوازدیا جو بلاشبہ کشمیریوں کے زخموں پر نمک چھڑکنے کے مترادف تھا۔امریکی صدر ڈونلڈ ٹرمپ نے متعدد بار کہا کہ وہ مسئلہ کشمیر پر پاکستان اور بھارت کے درمیان ثالثی کیلئے تیار ہیں۔ جی سیون اجلاس کے موقع پر مودی سے ملاقات میں بھی ٹرمپ نے یہ پیشکش کی لیکن مودی نے یہ کہہ کر ثالثی کی پیشکش ٹھکرادی کہ ‘کشمیر میں حالات قابو میں ہیں اور تمام تصفیہ طلب معاملات باہمی نوعیت کے ہیں’۔فرانس میں امریکی صدر اور بھارتی وزیراعظم نریندر مودی کی ملاقات جس خوشگوار انداز میں ہوئی اس سے یہ اندازہ لگایا جاسکتا ہے کہ امریکا مسئلہ کشمیر پر کسی بھی طرح بھارت پر دباو¿ ڈالنے کیلئے آمادہ نظر نہیں آتا۔ملاقات کے دوران نریندر مودی اپنی قومی زبان ہندی میں گفتگو کررہے تھے اور ایک مترجم اسے انگریزی میں ترجمہ کررہا تھا۔امریکی صدر ڈونلڈ ٹرمپ جو صحافیوں کے ساتھ اکثر ہنسی مذاق کرتے رہتے ہیں، انہوں نے مودی کے انگریزی میں گفتگو نہ کرنے پر صحافیوں سے از راہ مذاق کہا کہ مودی دراصل بہت اچھی انگریزی بولتے ہیں لیکن اس وقت وہ آپ سے بات نہیں کرنا چاہتے اس لیے ہندی بول رہے ہیں۔یہ سن کر بھارتی وزیراعظم نے زور دار قہقہہ مارا اور دونوں رہنما ایک دوسرے کا ہاتھ تھام کر کچھ دیر ہنستے رہے۔

شوبز

رواں سال سب سے زیادہ کمائی کرنے والی اداکارائیں

لاس اینجلس(ویب ڈیسک) امریکی جریدے فوربز نے رواں سال سب سےز یادہ کمائی کرنے والی اداکاراو¿ں کی فہرست جاری کی ہے۔ اس فہرست میں اداکاراو¿ں کی فلموں کی کمائی کے علاوہ مختلف اشتہارات اور برانڈز کے ساتھ پارٹنر شپ اورخود کے بزنس کی آمدنی بھی شامل ہے۔
سکارلٹ جانسن


معروف امریکی جریدے فوربز کی جانب سے جاری کی جانے والی سالانہ فہرست کے مطابق ہالی ووڈ کی کامیاب ترین اوینجرز سیریز اوربلیک وڈو سمیت متعدد فلموں میں اداکاری کے جوہر دکھانے والی نامور ہالی ووڈ اداکارہ اسکارلٹ جانسن نے رواں سال 56 ملین ڈالرز کماکر سب کو پیچھے چھوڑ دیا۔
صوفیہ ورگارا


نامور امریکی اداکارہ، ماڈل اور کامیڈین صوفیہ ورگارا فوربز کی فہرست میں 44.1 ملین ڈالرز کماکر دوسرے نمبر پر شامل ہیں۔
ریسے ودرسپون


امریکی اداکارہ و پروڈیوسر اور بزنس وومن ریسے ودر سپون نے رواں سال 35 ملین ڈالرز کمائے ہیں اورامیر ترین اداکاراو¿ں میں تیسرے نمبر پرشامل ہوگئی ہیں۔
نکول کڈمین


آسٹریلین امریکی اداکارہ نکول کڈمین کا شمار ہالی ووڈ کی مقبول ترین اداکاراﺅں میں ہوتا ہے۔ نکول کڈمین اداکارہ کے ساتھ کامیاب پروڈیوسر بھی ہیں اور اکیڈمی سمیت متعدد ایوارڈز اپنے نام کرچکی ہیں۔ اداکارہ نکول کڈمین نے رواں سال 34 ملین ڈالرز کمائے ہیں۔
جینیفر آنسٹن


ہالی ووڈ کی خوبرو اداکارہ، پروڈیوسر اور بزنس وومن جینیفر آنسٹن 28 ملین ڈالرز کے ساتھ فہرست میں پانچویں پوزیشن پر براجمان ہیں۔
کیلی کوکو


امریکی اداکارہ وپروڈیوسر کیلی کرسٹین کوکو نے رواں سال 25 ملین ڈالرز کمائے ہیں اور چھٹی پوزیشن حاصل کی ہے۔
ایلزبتھ موز


ہالی ووڈ کے کئی مقبول ترین ٹی وی سیریلز میں کام کرنے والی اداکارہ ایلزبنتھ موز ایمی اور گولڈن گلوب سمیت کئی ایوارڈز اپنے نام کرچکی ہیں۔ ایلزبتھ نے رواں سال 24 ملین ڈالرز کمائے ہیں۔
مارگٹ روبی


آسٹریلین اداکارہ و فلم پروڈیوسر مارگٹ روبی نے فلم و اشتہارات کی مد میں رواں سال 23.5 ملین ڈالرز کمائے ہیں اور فہرست میں آٹھویں نمبر پر براجمان ہیں۔
شارلیز تھرون


جنوبی افریقا سے تعلق رکھنے والی امریکن اداکارہ و پروڈیوسر شارلیز تھرون نے رواں سال 23 ملین ڈالرز کمائے ہیں۔
ایلن پومپیو


نامور ہالی ووڈ اداکارہ، پروڈیوسر اور ہدایت کارہ ایلن پومپیو کا شمار ٹی وی کی سب سے زیادہ معاوضہ لینے والی اداکاراو¿ں میں ہوتاہے۔ فوربز کے مطابق انہوں نے رواں سال 22 ملین ڈالرز کی کمائی کی ہے اور دسویں نمبر پر شامل ہیں۔

شوبز

حمزہ کی شادی مبارک ہو،انسٹاگرام پر خواتین کی عائشہ خان سے چھیڑ چھاڑجاری

لاہور (ویب ڈیسک) اداکار حمزہ علی عباسی اداکارہ نیمل خاور کے ساتھ رشتہ ازدواج میں منسلک ہوچکے ہیں، اس شادی کے حوالے سے ایک خاتون نے حمزہ علی عباسی کی قریبی دوست و سابق اداکارہ عائشہ خان کو چھیڑنے کی کوشش کی تو اداکارہ نے آگے سے دلچسپ جواب دیدیا۔حمزہ علی عباسی اور عائشہ خان کی دوستی کی پاکستان کی ڈرامہ انڈسٹری میں مثالیں دی جاتی ہیں۔دونوں ہی ایک دوسرے کے ساتھ نہ صرف کئی پراجیکٹس کرچکے ہیں بلکہ اکثر ایک ساتھ نظر بھی آیا کرتے تھے۔ اکثر لوگوں کی جانب سے یہ سمجھا جاتا تھا کہ شاید دونوں کے بیچ میں کچھ ہے اور ان کی شادی ہوسکتی ہے لیکن ایسا سوچنے والوں کو اس وقت مایوسی ہوئی جب عائشہ خان نے پاک فوج کے میجر عقبہ ملک کے ساتھ شادی کرلی۔عائشہ خان کی شادی میں حمزہ علی عباسی آگے آگے نظر آئے اور تقریبات میں بڑھ چڑھ کر حصہ لے کر ثابت کردیا کہ وہ ایک اچھے دوست ہیں۔اب جبکہ حمزہ علی عباسی بھی اداکارہ نیمل خاور کے ساتھ شادی کے بندھن میں بندھ چکے ہیں تو ایسے میں ایک خاتون نے عائشہ خان کو چھیڑنے کیلئے ان کی انسٹاگرام پوسٹ پر کچھ تبصرے کیے۔ عائشہ خان نے ایک اسلامی پوسٹ شیئر کی تھی جس پر مینا انصاری نامی خاتون نے حمزہ علی عباسی کی شادی کا تذکرہ کرنا شروع کردیا۔ مینا انصاری نے مبینہ طور پر عائشہ خان کو چھیڑنے کیلئے کہا ’ حمزہ کی شادی مبارک ہو‘۔ ایک اور کمنٹ میں خاتون نے اداکارہ سے پوچھا ’ آپ بھی جارہی ہیں حمزہ کی شادی پر۔اداکارہ کی جانب سے پھر بھی کوئی جواب نہ آیا تو خاتون نے کہا آپ نے تو اپنے سب سے اچھے دوست کو مبارک ہی نہیں دی۔

شوبز

صباقمرکا لباس انتہائی قابل اعتراض،سوشل میڈیا اداکارہ کے تازہ فوٹو شوٹ پر آگ بگولا

اسلام آباد (ویب ڈیسک) اداکارہ صباقمر کو اپنے نئے فوٹو شوٹ پر تنقید کا سامنا کرنا پڑگیا۔اداکارہ صباقمر کی سوشل میڈیا پر نئے فوٹو شوٹ کی تصویر جاری ہونے کے بعد ان کو کڑی تنقید کا سامنا ہے، اس سلسلے میں ناقدین نے ان کی زیب تن لباس کو ناپسندیدہ قرار دیتے ہوئے کہا کہ صبا قمر اپنے ملک کی کس طرح کی نمائندگی کررہی ہیں اورآجکل کی لڑکیوں کو کیا ترغیب دے رہی ہیں۔

شوبز

مارول سٹوڈیوز کا پہلی پاکستانی نژاد سپر ہیرومس مارول کویونیورس کا حصہ بنانے کا اعلان

نیویارک (ویب ڈیسک) مارول اسٹوڈیوز نے پہلی پاکستانی نژاد امریکی مسلم کمالہ خان کو بطور سپرہیرو مس مارول اپنے سنیما یونیورس کا حصہ بنانے کا اعلان کیا ہے۔مارول کے سربراہ کیون فیج نے ڈزنی کی ڈی 23 ایکسپو میں اس بات کا اعلان کیا۔ہول یوڈ رپورٹرز کے مطابق مس مارول ٹی وی سیریز ڈزنی کے نومبر میں پیش کی جانے والی اسٹریمنگ سروس ڈزنی پلس کا حصہ ہوگی، یہ سروس مختلف ممالک میں 12 نومبر کو متعارف کرائی جارہی ہے۔مارول سنیما یونیورس کے مختلف کرداروں پر بھی اس اسٹریمنگ سروسز پر الگ الگ سیریز دکھائی جائیں گی جو کہ مارول سنیما یونیورس کی کہانیوں کا متبادل ورڑن ہوگا۔کمالہ خان کا کردار مارول کامکس میں سب سے پہلے 2013 میں متعارف کرایا گیا تھا جو ایک پاکستانی نژاد امریکی سپرہیرو مس مارول کا روپ دھارتی ہے۔اس سے پہلے کیرول ڈینورس کو کامکس میں مس مارول کے طور پر جانا جاتا تھا مگر جب اس کردار کو کیپٹن مارول کا نام دیا گیا تو کمالہ خان نے خود کو مس مارول کا خطاب دیا۔یعنی اس کردار کو ’مارول کومکس‘ کے کردار ’کیپٹن مارول‘ سے متاثر ہوکر بنایا گیا تھا، یہ مارول کا پہلا مسلم خاتون کا کردار تھا، جس نے دنیا بھر میں شہرت حاصل کی۔اس کردار کی تخلیق کار پاکستانی نڑاد امریکی لکھاری و کومکس ایڈیٹر ثنا امانت ہیں، جو گزشتہ کئی سال سے مارول کومکس میں بطور ایڈیٹر خدمات سر انجام دے رہی ہیں۔ثنا امانت بھی امریکی ریاست نیو جرسی میں رہتی ہیں اور کردار کو دیکھ کر ایسا لگتا ہے کہ انہوں نے یہ کردار اپنی ذات سے متاثر ہوکر بنایا۔خیال رہے کہ مارول کومکس کے سنیما یونیورس میں اب تک ’اسپائیڈر مین، تھور، ہلک، آئرن مین، کیپٹن امریکا، بلیک پینتھر، بلیک ویڈو، ایکس مین، گارڈین آف دی گلیکسی، ڈاکٹر اسٹرینج اور تھونس سمیت کئی اہم سپر ہیروز اور ولن کے کردار متعارف کرائے جا چکے ہیں۔