لاہور(نامہ نگار)انتظامیہ کی ملی بھگت یا پھر اثرورسوخ؟ الفتح سٹور گلبرگ برانچ کے تین ملازمین میں کروناکی تشخیص ہونے کے ایک دن بعد ہی کھول دیا گیا ، سٹور پر خریداری کے لیے آنے والے ہزاروں افر اد میں جراثیم پھلنے کا خدشہ ،سٹور انتظامیہ کی جانب سے لاک ڈاﺅ ن سے قبل ہی تما م سٹاف کے ٹیسٹ کرائے گئے تھے متاثرہ افراد الیکٹرونس ڈیپارٹمنٹ میں کام کرتے تھے جو لاک ڈاﺅن کے بعد اپنے گھروں کوچلے گئے تھے جن کے ٹیسٹ بعد میں مثبت آئے ۔تفصیلات کے مطابق ایک روز قبل الفتح سٹور گلبرگ کے تین ملازمین میں کرونا وائر س کی تشخیص ہونے کے بعد سٹور کو پولیس کی جانب سے بند کردیا گیا تھا مگر ایک روز بعد ہی الفتح سٹور میں جراثیم کش سپرے کرنے کے بعد کھول دیا گیا ہے جبکہ زرائع کا کہنا ہے کہ تینوں متاثرہ افراد سمیت تمام سٹاف کے لاک ڈاﺅن سے قبل کرونا ٹیسٹ کروائے گئے تھے جو لاک ڈاﺅن کے بعد اپنے گھروں کو روانہ ہوچکے تھے جن کے ٹیسٹ کی رپورٹ اب موصول ہوئی ہے جس کے بعد سٹور کو ایک روز بند کرکے تما م جگہوں پر جراثیم کش سپرے کرنے کے بعد دوبا رہ کھول دیا گیا ہے واضح رہے کے الفتح سٹور پر تقریبا 1500کے قریب سٹاف کام کرتاہے جن کے دوبارہ ٹیسٹ کروانے کی بھی ضرورت ہے اگر سٹاف کے کسی اور فرد میں کرونا وائرس موجود ہواتو اس ہزاروں افراد متاثر ہوسکتے ہے کیونکہ الفتح سٹور پر روازنہ کی بنیا د پر 15000ہزار کے قریب خریداروںکی آمدورفت ہے اس حوالے سے اسسٹنٹ کمشنر ماڈل ٹاﺅن زیشان نصر اللہ رانجھا کا کہنا ہے کہ ضلعی انتظامیہ کی ایس او پیز میں متاثر ہونے والے افراد کو ہسپتال پہنچایا جاتا ہے جبکہ کسی دوکان کو سیل کرنے کا ان کے پاس کوئی اخیتار نہیں ہے ۔
