لاہور: (ویب ڈیسک) ملک میں کورونا وائرس کا پھیلاو¿ دن بدن بڑھ رہا ہے اور گزشتہ چوبیس گھنٹوں کے دوران مزید 1262 نئے کیسز سامنے آئے ہیں، جس کے بعد ملک میں مصدقہ کیسز کی مجموعی تعداد 28 ہزار 736 ہوگئی ہے جبکہ اموات 636 تک پہنچ چکی ہیں۔واضح رہے کہ گزشتہ روز میں ملک میں ایک روز کے دوران اب تک کے سب سے زیادہ 2000 نئے کیسز ریکارڈ کیے گئے تھے۔ یہ 2 ہزار کیسز وزیراعظم عمران خان کے لاک ڈاو¿ن کو نرم کرنے کے اعلان کے ایک روز بعد سامنے آئے۔تفصیلات کے مطابق ملک بھر میں کورونا وائرس کے کیسز کی تعداد میں روز بروز اضافہ ہو رہا ہے، گزشتہ چوبیس گھنٹوں کے دوران ایک مرتبہ پھر 1262 نئے کیسز سامنے ا?ئے ہیں۔ اس دوران 12982 ٹیسٹ کیے گئے جبکہ ملک بھر میں اب تک 2 لاکھ 70 ہزار 25 افراد کے ٹیسٹ کیے جا چکے ہیں۔سرکاری اعداد و شمار کے مطابق ملک بھر میں گزشتہ چوبیس گھنٹوں کے دوران 18 افراد جاں بحق ہو چکے ہیں، جس کے بعد ملک بھر میں جاں بحق افراد ہونے والے افراد کی تعداد 636 ہو گئی ہے۔سرکاری اعداد و شمار کے مطابق اب تک ملک بھر میں 7809 افراد صحت یاب ہو چکے ہیں جس کے بعد ملک بھر میں 20927 کنفرم مریض ہیں۔وفاقی دارالحکومت سمیت دیگر صوبوں کی مرحلہ وار رپورٹ کا جائزہ لیا جائے تو اس وقت ملک بھر میں سب سے زیادہ کیسز کی تعداد سندھ میں ہے جہاں پر 10771 کیسز ہیں۔دوسرے نمبر پر پنجاب ہے، جہاں پر مریضوں کی تعداد 10471 ہے، بلوچستان میں 1876، خیبر پختونخوا میں 4509، اسلام ا?باد میں 609، ا?زاد کشمیر میں 79 اور گلگت بلتستان میں 421 مریض ہیں۔ملک بھر میں جاں بحق افراد کی بات کی جائے تو خیبرپختونخوا میں ہلاکتیں سب سے زیادہ ہیں، جہاں پر 234 افراد زندگی کی بازی ہار چکے ہیں، سندھ میں 180 افراد خالق حقیقی سے جا ملے، پنجاب میں 191 افراد کورونا وائرس سے لڑتے لڑتے جانبرنہ ہو سکے۔نیشنل کمانڈ اینڈ ا?پریشن سینٹر کے اعداد و شمار کے مطابق وفاقی دارالحکومت میں 4 ، بلوچستان میں 24، گلگت بلتستان میں 3 افراد دار فانی سے کوچ کر گئے ہیں جبکہ ا?زاد کشمیر میں تاحال کوئی ہلاکت سامنے نہیں آئی۔
