اسلام آباد(ویب ڈیسک):وزیراعظم عمران خان کی زیر صدارت اجلاس میں وفاقی کابینہ نے میڈیکل اور صنعتی استعمال کے لیے تین اضلاع میں بھنگ کی کاشت کرنے کی اجازت دے دی۔
وزیراعظم عمران خان کی زیرصدارت وفاقی کابینہ کا اجلاس ہوا جس میں وفاقی کابینہ نے گزشتہ ای سی سی اجلاس میں کیے گئے فیصلوں کی توثیق کردی جبکہ کابینہ کمیٹی برائے نجکاری اور ادارہ جاتی اصلاحات کمیٹی کے گزشتہ اجلاسوں میں ہونے والے فیصلوں کی بھی توثیق کر دی گئی۔
وزیراعظم عمران خان کی زیر صدارت اجلاس میں وفاقی کابینہ نے میڈیکل اور صنعتی استعمال کے لیے تین اضلاع میں بھنگ کی کاشت کرنے کی اجازت دے دی۔
اجلاس میں پبلک پرائیویٹ تعمیرات کے عمل اور پیپرا رولز کے تقابل پر بریفنگ موخر کر دی گئی اور اسلام آباد کے مارگلہ روڈ پر تجاوزات سے متعلق بریفنگ بھی موخر کی گئی جبکہ کابینہ کو ملک کے بڑے ایئر پورٹس آوٹ سورس کرنے سے متعلق بریفنگ دی گئی اور وفاقی کابینہ میں نیپرا اور سٹیٹ آف انڈسٹری کی سالانہ رپورٹ پیش کی گئی۔
کابینہ اجلاس میں کراچی بینکنگ کورٹ 3 کے سیشن جج سعد قریشی کی دیپوٹیشن مدت میں توسیع کی منظوری دے دی گئی جبکہ کابینہ نےپاکستان پیٹرولیم لمیٹڈ کے بورڈ آف ڈائریکٹرز کے انتخابات کے لیے ناموں کی بھی منظوری دے دی۔
